Masalmo 85:13 - Bhiblia Yo Sawuleka

¹³ Kululama ku na thangela masoni ka Mkoma, kasi ku mlulamisela tinzila takwe.

Masalmo 85:13 Referans Kwoze

Masalmo 89:14

Mfumo wako wu tsanisilwe ngu kululama ni ditshuri, lirando ni ditshuri si ni nawe masoni kwako.

Johani 13:34

Na mi ninga mlayo wa wuphya: Randanani! Nga ti ani ni nga mi randa, na nanu mi fanete kurandana.

1 Johani 2:6

Awule a wombako ti to a ka Txizimu, a fanete kutsimbila ti Jesu a nga tsimbilisa tona.

1 Pedro 4:1

Ngu toneto, ngako Kristu a nga pfa kupanda nyamani kwakwe, na nanu xomani matxhari a kuzumba mi di ni mialakanyo yo nga toneto. Awule a nga xaniseka nyamani, a hambani ni txionho;

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

2 Vakorinto 3:18

Athu hotshethu hi wonako kuphatima ka Mkoma ngu maso o mbi fenengetwa, hi txi wonekisa kuphatima ka Mkoma kufana ni txibuko, hi txi hunduluswa hi fana nayo, hi longoloka ngu kuphatima kumweko ni kwakwe, aku ku engetelwako ngu mtamo wakwe Mkoma, i ku Moya.

Isaya 58:8

Sekoko liwoningo lako li na huma kufana ni wuronga, se kukalamuka kwako ku na mila ngu kukuluveta, ni kululama kwako ku na thangela masoni kwako, se wudhumo wa Mkoma wu na va msana kwako.

Masalmo 119:35

Ni ninge kutsimbila ngu nzila ya sirumo sako, nguko ngu sona si ni tsakisako.

Levhi 26:4

sekoko ni na mi ninga mati a kuwa ngu mbimo ya kona; mafu ma na ninga timbewu ku txi pfuna, mindonga yi na ninga mihando yayingi.

Jeremiya 31:14

Ni na khurisa mimoya ya vaphaxeli ngu mafura, sekoko vathu vangu va na khura ngu silo sa sinene sangu, kuwomba Mkoma.

Ezekhiyele 36:30

Ni na andisa mihando ya mindongani, ni siyalo sasiphya sa thembweni, kasi ku mi si swi kambe mi mana txiruko txa nzala hagari ka matiko.