Masalmo 83:7 - Bhiblia Yo Sawuleka

⁷ ngu Vagedhali, Vaamoni ni Vaamaleki, Vafilista ni vaaki va Tiro

Masalmo 83:7 Referans Kwoze

Joxuwa 13:5

kumweko ni ditiko da Vagedhali, ni dotshe ditiko da Libhanoni, kala wutxani, kukhukhela Bhahali-Gadhi, hafuhi ka mmango wa Hermoni kala ha ditimbani ka Hamati.

Ezekhiyele 27:9

Madhota a Gebha ni titxhari ta kona, ngu vona va nga txi lemetela tifa; sotshe sitimela sa lineneni ni vatsimbitisi va sona, va ti ti maha mabhindu ako.

Ezekhiyele 27:3

Se womba ka Tiro, wule a zumbako ka tinzila ta lineneni, e thumisana ni vathu ka sitondolo sasingi, u txi khawe: Mkoma Txizimu a khene: Awe Tiro u khawe: Ani ni tshurile ko hetelela.

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.

1 Samuwele 15:2

Mkoma wa Mabutho a Tiyimbi a womba tiya: Ani ni alakanyile ti Vaamaleki va nga mahela va ka Israyeli; taku vatsivela nzila mbimo yi va nga ti huma ngu Egipta.

1 Samuwele 4:1

Se dipswi da Samuwele di to ta ka ditiko dotshe da Israyeli; aniko va ka Israyeli va to huma ve hingeta Vafilista, ku yalwa navo, kambe va to ya gova hafuhi ni Ebhenezeri; se Vafilista vona va to ya gova hafuhi ni Afeka.

1 Makronika 5:10

Se ka masiku a Sawule va to xoma yimbi ve yalwa ni va ka Hagari, vale va nga wa ngu dianza da va ka Rubheni; kambe vona va to zumba matendani kwawe, ngu masoni ka dotshe didhawa da wutxani ka Gileyadhi.