Masalmo 83:15 - Bhiblia Yo Sawuleka

¹⁵ va tutumise nawe ngu txihuhuri txako, u txi va hinga ngu txingulu txako!

Masalmo 83:15 Referans Kwoze

Jobe 9:17

Nguko txa ni phatulela ngu txihuhuri, kambe txi engetela silonda sangu ku si na txivangelo.

Masalmo 50:3

Txizimu txathu txi nata, kambe kha txi na mbi ta malala; masoni ka txona kuhuma mndilo wo hisa ngutu, ka otshe madhawa a txona, ku na ni txihuhuri txa mtamo.

Isaya 28:17

Se ni na lulamisa wulamuli ngu ngoti, ni wululami ngu txyemo, se maralala ma na hiyela wuthavelo wa makuhu, mati ma na fenengeta ko sisala kona,

Masalmo 58:9

Tikhadi tawe ti sanzi kuhala ngu kupfa mndilo wa tikhuni to nakana mwendo to oma, ti na hangalaswe ngu txihuhuri ti tshotshwa kule.

Vahebheru 12:18

Kha ditshuri, anu kha ma tshuketela, kufana ni vanana va Israyeli, ka mmango wu wu sikotako kugweswa, awu wu ku ni mndilo wo tura, ni txidema, hunguva, ni txingulu.

Matewu 7:27

Se nzuma yi nite, minambo yi tala kuva ni ndambi, txingulu txi peka ngu mtamo txitimwi ka nyumba yile, se yona yi khundumuka yi txi wa. Kuwa ka yona yi wisa manyala.”

Masalmo 11:6

Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Ezekhiyele 21:3

Womba ka ditiko da ka Israyeli u txi khawe: Mkoma a khene: Wona taku na kuwukela, ni na swomola ditxhari dangu ngu msavani kwangu, ni fuvisa hagari kwako, vo lulama ni vabihi.