Masalmo 83:10 - Bhiblia Yo Sawuleka

¹⁰ Va mbambamisilwe ditikoni ka Endori sirumbi sawe si sina mafuni!

Masalmo 83:10 Referans Kwoze

Zefaniya 1:17

Ni na xanisa vathu, se va na tsimbilisa ku nga mabhofu, nguko va onhete Mkoma; kambe mnoha wawe wu na wavalaswa nga lithulu, se nyama yawe nga nzambwa.

1 Samuwele 28:7

Sekoko Sawule a to khene ka sithumi sakwe: Ni laveleni wamsikati wule a ku ni sikwembu, kasiku ni tsula kwakwe ni ya mwotisa. Se sithumi sakwe si to kha sona kwakwe: Wona taku, aho wamsikati a ku ni sikwembu kona Eni-Dhori.

Joxuwa 17:11

Mu ditikoni ka Isakari ni ka Aseri, Manasi a to ningwa Bheti-Xayani ni madhoropa a kona, Jeblehamu ni madhoropa a kona, vathu va Dhori ni madhoropa a kona, vathu va Tahanake ni madhoropa a kona, ni vathu va Megidhu ni madhoropa a kona; i ku madhoropa a mimango.

Jeremiya 16:4

Nguko va na fa ngu mafelo o thisa; kha va na mbi dilelwa hambi kutshotshwa; va na nga fenze mafuni. Va na dawa ngu ditxhari ni nzala; sirumbi sawe si na dyiwa ngu sinyana sa nzuma ni sihari sa txitinga.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

2 Vafumeli 9:37

Se txirumbi txa Jezabheli txi na nga sinoniso amu thembweni, ka wukhalo wa wudotho wa Jezireyeli, ti si koteki ku m'ziva taku awuwa i Jezabheli.

Valamuli 4:15

Mkoma a to hangalasa Sisera ni sotshe sikotxikani sakwe, ni votshe vathu vakwe va yimbi masoni ka Bharake. Sisera a to ndaka a txi jatama ngu ka txikotxikani txakwe, e tutuma ngu mikondo.

Valamuli 4:16

Bharake a to tutumisa vathu va yimbi kala Heroseti-wa-vamatiko. Dotshe dibutho da yimbi da Sisera di to xulwa, di txi khoziswa ngu ditxhari, ni wammweyo asi huluki.

Valamuli 5:21

Txinambwana txa Kixoni txi va kukuletile, mnambo wule wa kale, mnambo wa Kixoni. Awe moya wangu, tsimbila u di tsani!

Valamuli 7:25

Se va to ñola vafumeli vambidi va Vamidhiyani, Orebhi ni Zehebhe; va to daya Orebhi dirigwini ka Orebhi, va txi daya Zehebhe nzekani ka Zehebhe. Va to hinga Vamidhiyani, va txi neha msungo wa Orebhi ni wa Zehebhe, va txi ta nayo ka Gidhiyoni, mitxhatuko ka Jordhani.