Masalmo 82:3 - Bhiblia Yo Sawuleka

³ Emelani sikulungu ni va vo felwa ngu vaveleki; lamulani ngu kululama ava vo xaniswa ni sisiwana!

Masalmo 82:3 Referans Kwoze

Masalmo 10:18

Lamulela ava vo felwa ngu vaveleki, ni va va xanisekako, ku nga ve ni wammweyo m'thu wa mafu awa, a tshumelako a txi va xanisa.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Jeremiya 22:16

A lamute mhaka ya mxaniseki ni wa kupwata, ngu mhaka yeto ti m'humete kha kwati; ina eko hi nga kona ku ni ziva kani? Kuwomba Mkoma.

Jeremiya 22:3

“Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”

Jeremiya 5:28

va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.

Dhewuteronome 24:17

U nga jikise mhaka ya mluveli ni ya wo felwa ngu vaveleki, kambe u nga amukele syambalo sa noni, si txi maha so zima mseve ngu sona.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Isaya 1:17

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Dhewuteronome 10:18

Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo.

Eksodha 23:3

u nga emele txisiwana ka mhaka yo wekela.

Eksodha 23:6

U nga jikise mhaka ya txisiwana kulamulwani ka txona, ngako yi di lulamile.

Jobe 29:12

nguko ani ni ti ti txhatxhisa txikulungu, txi nga ti ti dila, ni vale vo felwa ngu vaveleki, ve pwata wa ku va xayisa.

Jobe 31:21

mwendo ngu dianza dangu ni pekile wo felwa ngu vaveleki, ngu kuwona wa ku ni lwela ha txikeni,

Mavingu 31:9

Tula txisofu txako, lamula ngu kululama, u lamulela sisiwana ni vale va pwatako somaha.

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Zakariya 7:9

Mkoma wa Mabutho a Tiyimbi a to womba, a txi khene: Mahani wululamo wa ditshuri, kombisani kudivalela ni wumbilu, mmwani ni mmwani ka mwanawe;