Masalmo 81:8 - Bhiblia Yo Sawuleka

⁸ Engisani, vathu vangu, sileleto sangu; oh idiku wo ni engisa, Israyeli!

Masalmo 81:8 Referans Kwoze

Masalmo 50:7

“Engisani anu Vathu vangu, ni lava kuwombawomba ni, kasi ku kuthethisa, awe Israyeli. Ani ngani Txizimu, Txizimu txako!

Johani 3:11

Ngu ditshuri, ngu ditshuri, na kugela ku khani: Hi womba ti hi ti zivako, hi fakaza ati hi nga ti wona, aniko kha mi amukeli wufakazi wathu.

Isaya 1:19

Ngako mi txi tumela kuengisa, mi na dya so tshamba ha mafuni hawa.

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

1 Johani 5:9

Ngako hi txi tumela wufakazi wa vathu, he ziveni ti to wufakazi wa Txizimu mbwa hombe ngutu kupinda wa vathu. Nguko wufakazi wa Txizimu ngu wu txona txi nga wu mahela Mwanana wa txona.

Masalmo 81:13

Idiku ngamu yangu yi ti ko ni engisa! Idiku Israyeli a ti ko londisela tinzila tangu!

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

Dhewuteronome 32:46

a wombile kwawe a txi khene: “Engisani ta tinene otshe mapswi awa nyamsi, ni ma fakazelako masoni kwanu, kasi ku anu mi na ma leleta ka vanana vanu, ti to va txi ma xayisa, va txi ma vekisa, otshe mapswi a mlayo wuwa.

Dhewuteronome 5:27

Tshuketa awe, u txi ya engisa totshe ti Mkoma, Txizimu txathu, a no ya womba. Se awe u nata hi gela totshe ti Mkoma, Txizimu txathu, a no ya kugela, athu hi nata tiengisa, hi txi ti vekisa.”

Eksodha 17:7

Se wukhalo wule a wu rayile ditina daku Masa ni Meribha, ngu mhaka ya ku phikiza kwawe vanana va ka Israyeli ni mhaka ya kuduka Mkoma, va txi kha vona: “Ina Mkoma waho mwendo kha nga ho hagari kwathu kani?”

Eksodha 19:16

Kutxani ka ditshiku da wuraru, ku to maheka singwalangwanda ni tinyangafula ni direfu da mtima di to fenengeta mmango, se kudhuma ka mtamo ka mpundu ku to pfala ngutu. Dibutho da vathu di nga ti wugoveloni di to dhudhumela.

Mitengo 20:13

Aawa mati nga Meribha, ahawa vanana va ka Israyeli, va nga ya ni Mkoma. Ngu konaho kambe a nga va komba kusawuleka kwakwe.