Masalmo 81:7 - Bhiblia Yo Sawuleka

⁷ Kuxanisekani kwako, u ni dhani ni ta kuhanyisa; ni ku angute, ni di direfuni ka txingwalangwanda, awe u nga ni duka matini ka Meribha.

Masalmo 81:7 Referans Kwoze

Eksodha 19:19

Kudhuma ka mpundu ku to maneka ku txi kula ngutu. Mosi a ti ti womba-womba ni dipswi da Nyatxitimwi di ti mxamula.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Mitengo 20:13

Aawa mati nga Meribha, ahawa vanana va ka Israyeli, va nga ya ni Mkoma. Ngu konaho kambe a nga va komba kusawuleka kwakwe.

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Eksodha 14:10

Mbimo yi Faro a nga hoka hafuhi, vanana va ka Israyeli va to gula maso ve wona ti to Vaegipta ndiva, va ta ngu msana kwawe. Va to va ni kuthava ka hombe; sekoko vanana va ka Israyeli va to dila ka Mkoma.

Eksodha 14:24

Ngu mbimo ya mixo, Mkoma a to wona ngu mu ka phande ya mndilo ni ya direfu ngu didhawa da wugovelo wa Vaegipta, se e va vinganyisa.

Dhewuteronome 33:8

Ngu didhawa da Levhi, ene a ti khene: Simaha sako so sawuleka sa Tumime ni Urime, si ningetwe ka msawuleki walo, awule a nga m'duka kona Masa, awule u nga kanetisana nayo matini ka Meribha;

Mitengo 20:24

Kukhukhela kuwa, Aroni a na ya ti tshanganisa ni va ka kwawe, nguko ene kha na mbi sikota kuya wulela ka ditiko di ni nga ningela ka vanana va ka Israyeli; nguko mi kanetile dipswi dangu, a ni ka mati ka Meribha.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Dhewuteronome 5:6

“Ani ngani Mkoma, Txizimu txako, ni nga kuhumisa ditikoni ka Egipta, ka nyumba ya wukhumbi.

Jeremiya 16:14

Ngu toneto, mata masiku, kuwomba Mkoma, aha ku no mbiswa kuwombwa taku: Wa Hanya Mkoma, awu a nga humisa vanana va ka Israyeli ngu ditikoni ka Egipta,