Masalmo 81:5 - Bhiblia Yo Sawuleka

⁵ Mthetho wu va nga ningwa vanana va Josefa, mbimo yi va nga huma ngu Egipta. Ni engisile dipswi di ni si ziviko ku di pfa, di txi kha dona:

Masalmo 81:5 Referans Kwoze

Masalmo 114:1

Mbimo yi Vaisrayeli va nga huma ngu Egipta, txikhati txi nyumba ya Jakobe yi nga rura ditikoni ka vanyamthuvo,

Jeremiya 5:15

Wonani taku ni na mi tisela vathu va kule, anu va nyumba ya ka Israyeli, kuwomba Mkoma, ditiko da hombe, ditiko da kale, adiya lidimi la kona mi no li timelela; kambe khu na mbi ti pima ti va no womba-womba.

Dhewuteronome 28:49

Mkoma a na ku tisela mfumo wa kuta ngu kule, mfumo wa magwito ka mafu, awule wu nota ngu kupuruma nga ngungwa, mfumo wu wu wombawombako ngu lidimi li awe u si li ziviko.

Masalmo 77:15

Ngu mtamo wako u ponisile vathu vako, i ku liveleko la Jakobe ni la Josefa.

Isaya 28:11

Ngu toneto, ngu mawombawombelo a mamwani matiko, ni mawombawombelo a limwani lidimi, a na womba-womba ka vathu vava,

Eksodha 12:27

Sekoko mi na khanu: Awuwa mphaxo wa Pasika ya Mkoma awu a nga pinda ngu masoni ka tinyumba ta vanana va ka Israyeli, mu ditikoni ka Egipta, mbimo yi a nga daya Vaegipta, aniko a hulukisile tinyumba tathu.” Sekoko va ka Israyeli va to ti namisa, va txi khizama, va txi khongela.

Eksodha 12:12

Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Eksodha 11:4

Mosi a wombile ka Faro a txi khene: “Mkoma a khene: Hagari ka wusiku ni na pinda ngu hagari ka ditiko da Egipta.

Amosi 6:6

Mi selako vhinya ngu magombe, mi tola mafura a lisima, kambe mi ka pandiseki ngu ku wa ka Josefa:

Ezekhiyele 20:20

Se sawulekisani Masabbata angu, kasi kumaha txikombiso hagari kwangu ni nanu, mi na ziva ti to ani ngani Mkoma, Txizimu txanu.

Masalmo 78:6

kasiku liveleko li litako li txi yi ziva ni vanana va va no velekwa ve xawutela ka vanana vawe ni vona;

Dhewuteronome 4:45

Asiya nzirumo ni milayo ni sileleto si Mosi a nga gela vanana va ka Israyeli, ngako va di humile Egipta.

Eksodha 12:29

Hagari ka wusiku, Mkoma a to peka ngu lifo otshe matiwula mu tinyumbani, ka dotshe ditiko da Egipta, kukhukhela ka mwanana wa Faro, awu a nga ti ni fanelo yo khalahatsha ka txikhalo txakwe txa wukoma, kala ka matiwula a mwanana wa khumbi, yi yi nga ti mkorani, ni matiwula otshe a sihari.