Masalmo 80:15 - Bhiblia Yo Sawuleka

¹⁵ Xayisa m'vhinya wuwa u nga wu phaya, tximilwa txi u nga txi kulisa.

Masalmo 80:15 Referans Kwoze

Masalmo 80:8

U wuyisile ngu Egipta mndonga wa m'vhinya, u tutumisile vathu va mahedheni, u txi wu phaya.

Johani 15:1

“Ani ngani mndonga wa ditshuri wa m'vhinya. Tate wangu ngene m'dimi wa kona.

Marku 12:1

Se a to khata kuwombawomba kwawe ngu sidinganiso, a txi khene: “M'thu a to phaya mivhinya e mi ranganyeta ngu libhiyo, a txi kelela nzeka yo kamela ka yona mihando, e aka txitezi. Msana keto, a to yi ningela ka vadimi, se ene e teka dipfhumba.

Zakariya 6:12

Se m'gele, u txi khawe: Mkoma wa Mabutho a Tiyimbi, a khene: Ndiyo m'thu wu ditina dakwe i ku Kuthunga; Ene a na mila ka wukhalo wakwe, kambe a na aka dithepele da Mkoma.

Zakariya 3:8

Engisa koko, awe Joxuwa, mphaxeli wa hombe, awe ni vangana vako, vale va nga khalahatsha masoni kwako, nguko mbavamna va mapimo amanene; wona taku ni na tisa txithumi txangu, atxi i ku kuthunga.

Jeremiya 2:21

Ni kuphaya ku nga mndonga wo tshura wa m'vhinya, wa lixaka la linene; u phemberukete txani u maha mndonga wa limwani lixaka kani?

Isaya 11:1

Nguko ku na mila dikhukhu ditshinani ka Jese, ni ka mitwi yakwe ku na mila didhavi di veleka mihando.

Isaya 49:5

Se konkuwa, kuwomba Mkoma, wule a nga ni wumba khukhela mndani, kasi kuva txithumi txakwe, ti to ni wuyisa Jakobe kwakwe, aniko Israyeli kha ti pata; hambi keto masoni ka Mkoma ni na dhumiswa, ni Txizimu txitxhavangu txi na va mtamo wangu.

Masalmo 89:21

Mtamo wangu yotshe mbimo wu na va ni nene ni wukoma wangu wu na mtsanisa.

Dhewuteronome 26:15

Wonisisa u di ha wukhaloni kwako ko sawuleka ka nzumani, kambe katekisa ngamu yako ya ka Israyeli, kumweko ni mafu ale u nga hi ninga, nga ti u nga xambanya ka vatate vathu, ditiko di di khulungako masi ni wulombe.

Masalmo 90:13

Wuya kwathu, Mkoma! U na henya kala mbimo muni? Telwa ngu wumbilu ngu vathu vako!

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Sidilo 3:50

kala ka mbimo yile Txizimu txi no engisa, ni kuwona, kukhukhela nzumani!