Masalmo 80:1 - Bhiblia Yo Sawuleka

¹ Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

Masalmo 80:1 Referans Kwoze

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

Masalmo 77:20

U tsimbitisile vathu vako kota m'dyisi wa mtxhambi, ngu manza a Mosi ni Aroni.

Masalmo 50:2

Txizimu txa woninga kukhukhela Siyoni, didhoropa da kutshura ko hetiseka.

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

1 Pedro 2:25

Nguko, mi ti ti fana ni tinvuta ta kuhangalaka, aniko akuwa mi tshumete mi wuya ka M'dyisi ni Muwoneleti wa mimoya yanu.

Ezekhiyele 34:23

Kambe ni na ti wusela m'dyisi mmweyo dwe, se ene a na ti dyisa; txithumi txangu Dhavhidha a no ti dyisa; ene a na va m'dyisi wa tona.

2 Samuwele 6:2

Se Dhavhidha a to khukha e tsula ni votshe vathu vale a nga ti navo, va Bhahala ka Judha, kasi kuguleta dibhokiso da Txizimu, di di dhanwako ngu Ditina, ditina da Mkoma wa Mabutho a Tiyimbi, di zumbako hagari ka makerubhima.

1 Samuwele 4:4

Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

Ezekhiyele 10:4

Sekoko wudhundo wa Mkoma wu to khukha ngu txitimwi ka makerubhima, wu txi ya txikenini ka nyumba; se nyumba yi to tatwa ngu direfu, ni muhubhe wu to tala ngu kuphatima ka wudhundo wa Mkoma.

Isaya 63:11

Hambi keto, a to alakanya masiku a kale ngutu, a Mosi ni a vathu vakwe, va nga kha vona: Ahayi wule a nga va humisa lineneni, kumweko ni vadyisi va mtxhambi kani? Ahayi wule a nga thela Moya wakwe wo Sawuleka hagari kwawe,

Isaya 60:1

Wuka, woninga, nguko liwoningo lako lata, ni wudhumo wa Mkoma wa humelela txitimwi kwako.

Masalmo 80:7

Awe Txizimu txa Mabutho a Tiyimbi; tshumela u hi wusa, hi kombe liwoningo la khohe yako, kasi hi na hanya!

Masalmo 80:3

Awe Txizimu, tshumela u hi wusa, hi kombe liwoningo la khohe yako, kasi hi na hanya!

1 Pedro 5:4

Se mbimo yi a nota humelela M'dyisi wa Hombe, mi nata amukela m'bhoti wo phatima wa kupfaliswa, awu wu si onhekiko.

Johani 10:14

Ani ni M'dyisi wamnene, tinvuta tangu na tiziva, nitona tinvuta tangu ta ni ziva.

Dhaniyeli 9:17

Se konkuwa koko, awe Txizimu txathu, engisa mkombelo wa txithumi txako, ni kudila ka txona; khohe yako yi na woninge txitimwi ka wukhalo wako wo sawuleka wule wu nga hoxotwa, ngu kuranda ka Mkoma.

Ezekhiyele 43:2

Kuphatima ka Txizimu txa ka Israyeli ku ti ti ta ngu nzila ya wutxani; se dipswi da txona di ti nga ova diguwa da mati amangi, se mafu ma to vangamela ngu mhaka ya kuphatima ka txona.

Ezekhiyele 1:13

Se ngu kheno ka kufana ni sihari, si ti ti wonekisa ku nga makala a mndilo wo tura, kufana ni txisase; mndilo wu ti ti pinda ngu hagari ka sihari, kambe mndilo wu ti ti phatima, se ngu mu ka mndilo ku ti ti huma tinyangafula.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Masalmo 94:1

Mkoma, awe u Txizimu txa kutsayisa wubihi! Txizimu, kombisa txiviti txako!

Masalmo 80:19

Mkoma, Txizimu txa Mabutho a Tiyimbi, tshumela u hi wuyisa, hi kombe liwoningo la khohe yako, kasi hi na hanya!

Masalmo 78:67

Ngu toneto, a tshotshile nyumba ya Josefa e tsukula lihunzu la ka Efrayime.

Masalmo 78:52

Txi humisile vathu va txona txi tsimbila navo ngu mu txiwulani, kota m'dyisi a golako sifuyo sakwe.

Masalmo 69:1

Ni hanyise, Txizimu, nguko ni hafuhi ni kubhwabhwamela.

Masalmo 60:1

Txizimu, u hi tshuralete, u hi lekile hi hangalaka; hambiko u nga henya, tshumela u hi wusa.

Masalmo 55:1

Engisa, Txizimu, mkombelo wangu; riya nzeve u txi engisa kudila kwangu!

Masalmo 45:1

Mbilu yangu yi tate ngu mapswi o tshura ngutu; ni na thula ndando yangu ya ku embeleta mfumeli wa ditiko! Lidimi langu i peniselo ya m'bhali wo txhariha.

Masalmo 5:1

Mkoma, riya nzeve u txi engisa mapswi angu, engisa kuketa kwangu.

Jobe 10:3

Ta kudingana kha kwati ku ni xanisa, u lamba mthumo wa manza ako u woningeta txitimwi ka dibanza da vo biha kani?

2 Vafumeli 19:15

A to khongela masoni ka Mkoma a txi khene: Awe Mkoma, Txizimu txa ka Israyeli, u zumbako hagari ka Makerubhima, awe upune ngawe wekha u ku Txizimu txa yotshe mifumo ya ha mafuni; awe u vangile tinzuma ni mafu.

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Masalmo 50:1

Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.