Masalmo 8:6 - Bhiblia Yo Sawuleka

⁶ U mningile kufuma sotshe si u nga si maha, sotshe u si vekile hahatshi ka mikondo yakwe:

Masalmo 8:6 Referans Kwoze

Genesisi 1:28

Se Txizimu txi to va katekisa, txi va gela ku kha txona: “Velekelani, mi txi anda, mi tala ha mafuni, mi txi ma fuma; fumelani sihaka sa linene, ni sinyana sa nzuma, ni sotshe sihari si si tsimbilako ha mafuni.”

Genesisi 1:26

Se Txizimu txi to kha txona: “A hi vangeni m'thu ngu txifaniso txathu e fana ni nathu; se a na fumela sihaka sa linene, ni sinyana sa nzuma, ni sifuyo, ni otshe mafu, ni sihari sotshe so tsimbila ngu dibindi txitimwi ka mafu.”

Vahebheru 2:8

Sotshe simaha u si vekile hahatshi ka mikondo yakwe.” Se nga ti Txizimu txi nga veka sotshe simaha hahatshi ka mikondo yakwe, kha ka sala txilo ni txa tximwetxo txi ku si nga hahatshi kwakwe. Kambe konkuwa, kha hi nzi ku ti wona ti to sotshe si hahatshi kwakwe.

Vaefesu 1:22

Hahatshi ka mikondo ya Kristu, Txizimu txi vekile sotshe simaha, kambe txi mmahile Msungo wa dotshe Dibanza,

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Genesisi 9:2

Sihari sotshe sa ha mafuni, ni sotshe sinyana sa nzuma, ni sotshe si si tsimbilatsimbilako ha mafuni, ni sotshe sihaka sa mu lineneni, si na mi thava ni kudhudhumela. Sona na si ningela manzani kwanu.

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

Vahebheru 1:2

Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.