Masalmo 8:4 - Bhiblia Yo Sawuleka

⁴ nji txani m'thu, kasiku u txi mu alakanya, kani? Ene m'thu wa nyama i mani, kasiku u txi mkhatalela kani?

Masalmo 8:4 Referans Kwoze

Masalmo 144:3

Mkoma, nji txani m'thu, koza u txi mualakanya kani? Njitxani mwanana wa m'thu, kasiku u txi mkhatalela kani?

Jobe 7:17

Njitxani m'thu koza u txi mthemba, u veka kwakwe mbilu yako kani?

Masalmo 146:3

Mi nga thembeni vakoma, mwendo vanana va vathu, va singako ni kuhanyisa.

2 Makronika 6:18

Ina ngu ditshuri Txizimu txi ndi na zumba ni vathu ha mafuni kani? Wona taku tinzuma kala ka nzuma ya tinzuma nga ti si sikoti ku u enela ka tona, se ngutu-ngutu nyumba yiya ni nga yi aka.

Luka 1:68

“A na dhumiswe Mkoma, Txizimu txa Israyeli, nguko a endete vathu vakwe, a txi va tirula.

Matewu 8:20

Jesu a ti khene kwakwe: “Vanyapwe va ni mikele, ni sinyana sa nzuma si ni sisaka, kambe Mwanana wa M'thu kha na wukhalo wuwa a khigetako ka wona msungo wakwe.”

Masalmo 80:17

Aniko katekisa m'thu wu awe u nga msawula, awu u nga mkulisa kasiku e kuthumela.

Jobe 25:6

Hambi m'thu i ka so va mpungu, ni mwanana wa m'thu i ku mbungu!

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Masalmo 106:4

Ni alakanye, Mkoma, ngu lirando li u ku nalo ka vathu vako. Ngono u ta ni hanyisa,

Genesisi 21:1

Mkoma a to alakanya Sara, nga ti a nga womba, se e maha kwakwe ati a nga ti thembisile tona.

Isaya 40:17

Otshe matiko hi nga txilo masoni kwakwe; a ma wona i si nga txilo, kufana ni txa kwa mbi va txilo.

Luka 19:44

“Va na kudikha hahatshi, awe ni vanana vako, va ku kwako. Kambe kha va na mbi siya kwako dirigwi txitimwi ka dirigwi, nguko khwa ziva mbimo yi u nga endelwa ngu yona.”

Ezekhiyele 8:15

Se a to ni gela ku khene: U ti woni awe mwanana wa m'thu kani? Kambe u na wona manyala a hombe o pinda awa.

Masalmo 4:2

Anu vanana va vathu, mi na poyilela wudhumo wangu kala yihi mbimo kani? Mi na leka ditshiku muni kukanganyisa, ni kuranda makuhu kani?

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Genesisi 1:1

Kukhatani Txizimu txi vangile nzuma ni mafu.

Genesisi 1:14

Se Txizimu txi to kha txona: “Ku nave ho siwoningo ha mpfhukani ka nzuma, kasi kuhambanisa hagari ka mitshikari ni wusiku; si txi maha sikombiso sa timbimo to kari, ta masiku, ni malembe.”

Genesisi 19:35

Se va to seta vhinya tate wawe kambe, ka wonewo wusiku, mnanda wa kona a to otela ni tate wakwe, aniko kha pfa txilo kuotelani kwakwe nayo, hambi ha kuwukani kwakwe.

Masalmo 19:2

Ditshiku di womba-womba ngu wudhumo wa txona ka dimwani ditshiku, ani wusiku wu xawutela tona eto ka wumwani wusiku.

Masalmo 96:5

Sotshe sizimu sa vamatiko kha si vhuni txilo; Mkoma ngene a nga va nga tinzuma.

Masalmo 136:5

Awule a nga maha tinzuma ngu wuzivi; nguko lirando lakwe nda kala kupinduka!

Masalmo 136:9

Mtxima ni tinyeleti kasi kufuma wusiku; nguko lirando lakwe nda kala kupinduka!