Masalmo 8:3 - Bhiblia Yo Sawuleka

³ Ngako ni txi wonisisa nzuma, mthumo wa manza ako, ni mtxima ni tinyeleti, asi u nga si maha, ni pimisa ni txi khani;

Masalmo 8:3 Referans Kwoze

Genesisi 1:1

Kukhatani Txizimu txi vangile nzuma ni mafu.

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Masalmo 111:2

Mithumo ya Mkoma nja hombe yi lawako ngu votshe vale va manako kutsaka ka yona.

Masalmo 104:19

U mahile mtxima kasi kupima tinguva ni ditambo da ziva txikhati txi di faneleko kuswa ngu txona.

Masalmo 89:11

Awe u Mkoma wa nzuma ni mafu, u vangile ditiko ni sotshe si si manekako ka dona.

Varoma 1:20

Nguko asi sa Txizimu si si wonwiko ngu maso, i ku mtamo wa txona wo mbi na magwito ni wuzimu wa txona, eso sa ti wonekisa amu ka mithumo ya txona, kukhukhela kuvangwani ka ditiko; ngu konaho kha va na nzila yodanga ngu yona.

Luka 11:20

Kambe ngako ni txi tovela madhimoni ngu litiho la Txizimu, kha ditshuri Mfumo wa Txizimu wu hokile kwanu.

Eksodha 8:19

Sekoko tiñanga ti to kha tona ka Faro: “Aliya litiho la Txizimu!” Hambi keto, mbilu ya Faro yi simamile yi txi banga, ngu mhaka yeto kha va engisa, nga ti Mkoma a nga ti wombile.

Jobe 22:12

Ina Txizimu kha txi nga txitimwi nzumani kani? Wona tinyeleti tile ti ku txitimwi; eto ti nga gulekisa tona.

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Masalmo 148:3

M'dhumiseni awe ditambo ni mtxima; m'dhumiseni motshenu tinyeleti ti phatimako!

Masalmo 19:1

Nzuma yi nuwela wudhumo wa Txizimu, ani mpfhuka wu zivisa mithumo ya manza a txona.

Jobe 25:5

Wona taku hambi mtxima kha wu phatimi, ni tinyeleti kha ta sawuleka masoni ka txona.

Jobe 25:3

Ina mabutho a txona ma ni mtengo kani? Niku i mani wule asi hokelwiko ngu liwoningo la txona kani?

Jobe 36:24

Alakanya kukulisa mithumo yako, ayile yi wonwako ngu vathu.