Masalmo 8:2 - Bhiblia Yo Sawuleka

² Ngu wudhumo wu wu humako sisofuni ka vanana ni ka vadotho. U mahile mkhokhola wa ku ti vhikela ka valala vako, kasiku u txi malata valala ni vaphoteli.

Masalmo 8:2 Referans Kwoze

Matewu 21:16

va txi mu gela ku kha vona: “Ina wa tipfa ti va wombako kani?” Jesu a to xamula a txi khene: “Ina! Kasi kha mi nzi kugonda ti taku: ‘Ka mapswi a txisofu txa vanana vavadotho ni txa tikekere u ti lulamisete wudhumo, kani?’ ”

Isaya 40:31

Aniko avale va emako ka Mkoma, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

1 Vakorinto 1:27

Aniko atxile vathu va txi wonako i di txipumbu, Txizimu txi txi sawute kasi kuthela mphume vazivi; atxile i ku txa ku ambi banga ha ditikoni, Txizimu txi txi sawute kasi kuwisa tingana awule a ku ni mtamo.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Luka 10:21

Ka yoneyo mbimo, Jesu a to tala ngu kutsaka, ngu Moya wo Sawuleka, a txi khene: “Na ku bonga, Tata, Mkoma wa nzuma ni mafu, nguko u sisete titxhari ni va va pimako timhaka tiya, u txi ti wonekisa ka va vavadotho. Ina, Tata, nguko u ti lavisile toneto.

Masalmo 44:16

dipswi da wule a ni wukelako a txi ni ruketela, ngu mhaka ya mlala ni wule a pharelako.

Habhakuki 2:20

Kambe Mkoma amu ka dithepele dakwe do sawuleka; ma na malale masoni kwakwe otshe mafu.

Eksodha 15:16

Kuxamala ni kuthava ku na wa txitimwi kwawe; ngu wuhombe wa diwoko dako, va na maha siduma nga marigwi, kala vathu vako va txi txhatuka, awe Mkoma, kala va txi txhatuka vathu vale u nga va tirula.

Amosi 5:9

Ngene a wu a lovisako vathu va mtamo, a lovisako ni miti ya vona ya mikhokhola.

Masalmo 4:4

Dhudhumelani kambe mi nga goheni. Wombawombani ngu mbilu mi di malate mi txi otela matahoni kwanu.

1 Samuwele 2:9

A na xayisa mikondo ya va sawuleki vakwe, aniko vabihi va na maha siduma amu ka txidema; nguko m'thu kha na mbi humelela ngu mtamo wakwe.

Eksodha 11:7

Aniko, hagari ka vanana va ka Israyeli, kukhukhela ka vathu kala ka sihari, hambi kudila ka yimbwa kha ku na mbi pfala kasi mi txi tiziva ti to Mkoma a mahile kuhambana hagari ka ditiko da Egipta ni ka vanana va ka Israyeli.

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

Masalmo 148:13

Hi nga dhumisani ditina da Mkoma, nguko ditina dakwe ngu dona di guletwako; wudhumo wakwe wu txitimwi ka nzuma ni mafu!

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.