Masalmo 79:6 - Bhiblia Yo Sawuleka

⁶ Henyela vathu ni mifumo ya vamatiko, ava va si ku ziviko, kambe va si ku khozeliko!

Masalmo 79:6 Referans Kwoze

Jeremiya 10:25

Tshakunuta txiviti txako, txitimwi ka vamatiko, ava va si ku ziviko, ni txitimwi ka tixaka ti ti si dhaniko ditina dako; nguko va kakatxute Jakobe; va mkakatxute, va txi mmita, ni m'ti wakwe va wu mahile dirumbi.

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

Masalmo 69:24

Theketa txiviti txako txitimwi kwawe; va na hokelwe ngu dikhulo da kuhenya kwako!

Masalmo 53:4

Vathu vo biha, va kakatxulako vathu vangu, kufana ni wule a dyako sakudya, ava va si khozeliko Txizimu ina kha va sikoti kutipima kani?

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Mithumo 17:23

Nguko, ngako ni txi tsimbila, ni wona magandelo anu, ni mani txiluvelo txi txi nga ti bhatwe tito: ‘Ka Txizimu txi txi si ziwiko.’ Se ani ni tela ku ta mi zivisa Txizimu txi anu mi txi gandelako mi si txi zivi.

Johani 16:3

Va na mi maha totshe tiya, nguko kha va m'ziva Tate ni nani.

Zefaniya 3:8

Ngu toneto, ni vereleni, kuwomba Mkoma: Ka ditshiku di ani ni no khukha ni txi ya handa; nguko maalakanyo angu ngu kusengeleta matiko, ni kutshanganisa mifumo, kuva ni txi na tshakunuta kuhenya kwangu, ni kotshe kupandiseka ka txiviti txangu; nguko otshe mafu awa, ma loviswa ngu mndilo wa txiluse txangu.

Jeremiya 25:29

Nguko hi nga wonani didhoropa di di dhanwako ngu ditina dangu, na khata ku di tsayisa; ina anu mi na lekwa mi si tsayiswi kani? Kha mi na mbi divalelwa, nguko ni na xomisa ditxhari, di na peka votshe vazumbi mafuni, kuwomba Mkoma wa Mabutho a Tiyimbi.

Isaya 42:25

Ngu mhaka yeto, a tshakunutile kuhenya kwakwe txitimwi kwawe, ni mtamo wa yimbi. Se a va vekete m'dhikila madhawani, kambe kha va tipfisisa txilo keto; a va hisile aniko kha va veka mbilu yawe keto.

Masalmo 145:18

Mkoma a hafuhi ka votshe vale va m'dhanako; ka votshe vale va m'dhanako ngu ditshuri.

1 Vakorinto 1:2

ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

Johani 17:25

Tate wa kululama, hambi ditiko di sa kuziva, ani ni ku zivile, ni vona va ti zivile ti taku u ni rumile.