Masalmo 78:71 - Bhiblia Yo Sawuleka

⁷¹ a mthavisile ka mthumo wa kudyisa tinvuta, kasiku e maha m'dyisi wa liveleko la Jakobe, i ku vathu vakwe ni thomba yakwe.

Masalmo 78:71 Referans Kwoze

2 Samuwele 5:2

Hambi ni kale, Sawule a txi fuma txitimwi kwathu, ngawe u nga ti ti huma ni kuwulela ni Israyeli; kambe Mkoma a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

1 Makronika 11:2

Hambi ni kale, Sawule i di ngadi mfumeli, ngawe u nga ti ti huma ni kuwulela ni Israyeli; Mkoma, Txizimu txako, a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Masalmo 28:9

Mkoma, hulukisa ngamu yako, u txi katekisa vathu va va kulumbako; va xayise nga m'dyisi, u txi va vekisa kala kupinduka.

Genesisi 33:13

Aniko Jakobe a ti khene: “Mkomwangu wa tiziva ti to vanana i ngadi vadotho, nani ni fanete kualakanya tinvuta ni tihomu ati ti mamisako; ngako ni txi ti khurisa, hambi i ti ditshiku dimwedo dwe, wotshe mtxhambi wu na fa.

2 Samuwele 7:8

Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni kuthavisile wudyiseloni, msana ka tinvuta, kasi ku kumaha mthangeli txitimwi ka vathu vangu, txitimwi ka va ka Israyeli.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

Matewu 2:6

“Awe Bhetlehema, ditiko da Judheya, khu nga m'dotho hagari ka madhoropa a hombe a ka Judha, nguko mthangeli wu a no xayisa ngamu yangu Israyeli a na velekelwa kwako.”

2 Samuwele 20:19

Ani ni mmweyo wa vale vo thutha ni kuthembeka ka va ka Israyeli; se awe u lava kulovisa didhoropa di i ku mame ka Israyeli; nguku txani koko, u lava kulovisa thomba ya Mkoma kani?

2 Samuwele 24:17

Se ngako Dhavhidha a di woni Ngelozi yile yi nga ti dayela vathu, a to womba ka Mkoma a txi khene: Wona ta ku, ngani ni nga onha, kambe ngani ni nga maha to biha; kambe tinvuta tiya ti onhile txani kani? Ngu kumaha keto, dianza dako di na wele txitimwi kwangu ni txitimwi ka nyumba ya tate wangu.