Masalmo 78:70 - Bhiblia Yo Sawuleka

⁷⁰ A sawute kambe Dhavhidha txithumi txakwe, awu i nga ti m'dyisi wa tinvuta;

Masalmo 78:70 Referans Kwoze

Mithumo 13:22

Msana keto, Txizimu txi va fumisete Dhavhidha, txi mu maha mfumeli, awu txi nga mu fakazela kwawe, txi womba tiya: ‘Ni mani Dhavhidha, mwana Jese, i ku wo randeka ka mbilu yangu, awu a nota maha totshe ti ni ti xuvako.’

2 Samuwele 7:8

Konkuwa koko, u na gela txithumi txangu Dhavhidha, u txi khawe: Mkoma wa Mabutho a Tiyimbi a khene: Ani ni kuthavisile wudyiseloni, msana ka tinvuta, kasi ku kumaha mthangeli txitimwi ka vathu vangu, txitimwi ka va ka Israyeli.

2 Samuwele 6:21

Aniko Dhavhidha a to khene ka Mikali: Ani ni ti ti sinya ni tsaka masoni ka Mkoma wule a nga ni sawula, makhaloni ka tate wako ni ka yotshe nyumba yako, a txi ni ruma kuva mthangela txitimwi ka vathu va Mkoma, ni txitimwi ka va ka Israyeli.

2 Samuwele 3:18

Mmaheni koko mfumeli konkuwa, nguko Mkoma a wombile ka Dhavhidha, a txi khene: Ngu dianza da txithumi txangu Dhavhidha, ni na txhatxhisa vathu vangu manzani ka Vafilista, ni manzani ka votshe valala vawe.

Eksodha 3:10

Na kuruma, tsula ka Faro, u txi ya humisa vathu vangu, vanana va ka Israyeli, ditikoni ka Egipta.”

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

1 Vafumeli 8:16

Kukhukhela ka ditshiku dile ni nga thavisa vathu vangu va ka Israyeli ngu Egipta, kha na sawula didhoropa ni da dimwedo ka tihunzu ta ka Israyeli kasi kuaka nyumba, kasi ni veka kona ditina dangu; aniko ni sawute Dhavhidha, kasi e fumela vathu vangu va Israyeli.