Masalmo 78:61 - Bhiblia Yo Sawuleka

⁶¹ Txi lekile valala ve teka mtundu wa txitumelelano, i ku txikombiso txa wudhumo wa txona.

Masalmo 78:61 Referans Kwoze

Masalmo 132:8

Wuka Mkoma, nyumbani kwako ko humula, awe ni mtundu wa mtamo wako.

Masalmo 24:7

Anu matimba, tulekani ta tinene! Tulekani, anu matimba a kale ti to a na wulela Mkoma wa kudhumiseka!

2 Makronika 6:41

Mkoma Txizimu khukha konkuwa u wulela u humula ka wukhalo wako, awe ni dibhokiso da mtamo; Mkoma Txizimu, vaphaxeli vako va na ambale kuhanyiswa, se ni vasawuleki va na tsakele wunene wako.

1 Samuwele 4:21

Aniko a to raya mfana ditina daku i Ikabho, a txi khene: “Wudhumo u khukhile ka Israyeli, ngu kule dibhokiso da Txizimu di nga ti tekilwe, ni ngu mhaka ya kufa ka masale wakwe ni ka mwamna wakwe.”

1 Samuwele 4:17

Sekoko awule a nga ti tisa mahungu a to xamula, a txi khene: Va ka Israyeli va tutumile masoni ka Vafilista, kambe ku manekile mhaka yo nemela ngutu hagari ka vathu; hahanze keto, hambi vanana vako vavambidi, i ku Hofini ni Finiyasi va fite, ni dibhokiso da Txizimu di tekilwe.

Valamuli 18:30

Se vanana va ka Dhani va to ti emisela txithombe txile txo vatwa, se Jonatani, mwana Gerisoni, mwana Manasi, ene ni vanana vakwe, va to maha vaphaxeli va lihunzu la ka Dhani, kala ka ditshiku da kukhoziswa ka ditiko.

Eksodha 40:34

Sekoko, direfu di to fenengeta ditenda da msengeletano ni kuphatima ka Mkoma ku manekile ku txi tata ditenda do sawuleka.

Masalmo 63:2

Ni lava ku kuwona u di txiluveloni kwako ni wonetela mtamo wako ni wudhumo wako,

1 Samuwele 6:1

Ngako koko, dibhokiso da Mkoma di di zumbile ditikoni ka Vafilista mtxhanu wa mtxima ni yimbidi,