Masalmo 78:5 - Bhiblia Yo Sawuleka

⁵ Ene a ningile mithetho ka va ka Israyeli, a ningile mlayo ka situkulwana sa Jakobe. A leletile ka vakale vathu ti to ve gondisa milayo yiya ka situkulwana sawe,

Masalmo 78:5 Referans Kwoze

Dhewuteronome 6:7

Awe u na ma gondisa ka vanana vako, kambe u na womba-womba ngu ona, u di khalahatshile m'tini kwako, ni kungako u txi tsimbila amu mapfhumbani kwako, ngako u txi otela, ni kungako u txi wuka.

Vaefesu 6:4

Nananu vaveleki, mi nga henyiseni vanana vanu, aniko va kuliseni ngu ku va laya ngu sileleto ni tigondo ta Mkoma.”

Masalmo 81:5

Mthetho wu va nga ningwa vanana va Josefa, mbimo yi va nga huma ngu Egipta. Ni engisile dipswi di ni si ziviko ku di pfa, di txi kha dona:

Dhewuteronome 4:45

Asiya nzirumo ni milayo ni sileleto si Mosi a nga gela vanana va ka Israyeli, ngako va di humile Egipta.

Isaya 38:19

Ava va hanyako, va va hanyako, evo va na ku dhumisa, kufana ni ti ni mahako nyamsi; tate a na gondisa ditshuri dako ka vanana.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Dhewuteronome 11:19

Ma gondiseni ka vanana vanu, mi womba-womba ngu ona mi di khalahatshile mitini kwanu, ni kungako mi txi tsimbila tinzilani kwanu, kungako mi di otete ni kungako mi di wukile.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Varoma 3:2

Kasi wukwera wu vhuna txani? Wa vhuna ngutu ngu otshe madhawa. Mhaka yo khata ngu kuwa sithembiso sa Txizimu si nga vekwa manzani kwawe.

Masalmo 147:19

Ene wa rumela mahungu akwe ka va ka Jakobe, mithetho yakwe ni milayo yakwe ka va ka Israyeli.

Masalmo 19:7

Mlayo wa Mkoma mbwo hetiseka, wa ninga kuhanya kakuphya. Sirumo sa Mkoma nzo thembeka; sa ninga wuzivi ka m'thu wo divala.

Eksodha 40:3

U na veka ka yona dibhokiso da txitumelelano kambe u na fenengeta ngu nguwo ya m'jiyo.

Eksodha 25:21

U na sanzeka txikhalo txa wumbilu txitimwi ka dibhokiso, ngu mndani ka dona u na veka Txixambanyo txi ni no kuninga.

Masalmo 119:152

Kukhukhela ha wananani kwangu, na si ziva sileleto sako; awe u si tsanisile kala kupinduka.

Eksodha 25:16

Msana keto, u na veka Txifakaziso txi ni no kuninga aha ka dibhokiso.

Eksodha 40:20

A to teka wufakazi a txi wu wuletisa amu ka dibhokiso, a to veka sikhongwani aha ka dibhokiso, a txi veka txikhalo txa wuxinji, txitimwi ka dibhokiso .

Eksodha 12:27

Sekoko mi na khanu: Awuwa mphaxo wa Pasika ya Mkoma awu a nga pinda ngu masoni ka tinyumba ta vanana va ka Israyeli, mu ditikoni ka Egipta, mbimo yi a nga daya Vaegipta, aniko a hulukisile tinyumba tathu.” Sekoko va ka Israyeli va to ti namisa, va txi khizama, va txi khongela.

Dhewuteronome 31:13

Kasiku vanana vawe, vale va sinziko ku wu ziva mlayo, va na gonda kuthava Mkoma, Txizimu txanu, ka otshe masiku ale mi no va mi txi hanya, ka ditiko di mi yako ka dona kasi kuya di teka, ngako mi di txhatukile mnambo wa Jordhani.

Dhewuteronome 32:46

a wombile kwawe a txi khene: “Engisani ta tinene otshe mapswi awa nyamsi, ni ma fakazelako masoni kwanu, kasi ku anu mi na ma leleta ka vanana vanu, ti to va txi ma xayisa, va txi ma vekisa, otshe mapswi a mlayo wuwa.