Masalmo 78:40 - Bhiblia Yo Sawuleka

⁴⁰ Nzikhati singahi va nga eyisa Txizimu txiwulani va txi txi pandisa mbilu ditikoni mule ka kuoma!

Masalmo 78:40 Referans Kwoze

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

Isaya 7:13

Sekoko Isaya a to khene: Engisani konkuwa, anu va nyumba ya ka Dhavhidha! I mhaka yayidotho yo xanisa vathu, koza mi lava ni kuxanisa Txizimu txangu kani?

Masalmo 107:11

ngu kuva va di eyisile sileleto sa Txizimu ni kunyenya mithetho ya Nyatxitimwi.

Masalmo 78:17

Aniko vona va engetile ve onhela Txizimu, ve wukela Nyatxitimwi, kona txiwulani.

Mitengo 14:11

Mkoma a ti khene ka Mosi: “Vathu vava, va na ni nyenya kala yihi mbimo kani? Kala yihi mbimo va si ni thembi kani? Hambi ku va nga wona sixamaliso si ni nga va mahela kambe ni kambe kani?

Dhewuteronome 9:7

Alakanya, u nga divale ti to u henyisile Mkoma, Txizimu txako, kona txiwulani. Kukhukhela ka ditshiku di u nga huma ditikoni ka Egipta, kala u hoka ka wuwa wukhalo, mi vathu va kanu masoni ka Mkoma;

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.