Masalmo 78:4 - Bhiblia Yo Sawuleka

⁴ Kha hi na mbi sisela situkulwana sathu; totshe hi na xawutela ka tiveleko ti titako ta kupfaliswa ka Mkoma ni mtamo wakwe ni ta sidiwukiso si ene a nga si maha.

Masalmo 78:4 Referans Kwoze

Dhewuteronome 11:19

Ma gondiseni ka vanana vanu, mi womba-womba ngu ona mi di khalahatshile mitini kwanu, ni kungako mi txi tsimbila tinzilani kwanu, kungako mi di otete ni kungako mi di wukile.

Joyeli 1:3

Xawutelani matimu awa ka vanana vanu, se vanana vanu ka vanana vawe, ni vanana vava ka limwani liveleko.

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Dhewuteronome 6:7

Awe u na ma gondisa ka vanana vako, kambe u na womba-womba ngu ona, u di khalahatshile m'tini kwako, ni kungako u txi tsimbila amu mapfhumbani kwako, ngako u txi otela, ni kungako u txi wuka.

Masalmo 9:14

kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.

Masalmo 26:7

na ni txi embelela tindando ta kudhumisa, ni txi huwelela sotshe sidiwukiso sako.

Jobe 15:18

atile ti nga wombwa ngu sizivi, ni tile si nga tipfa ka vatate va sona kha sa malala nato

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Eksodha 13:8

Ka donedo ditshiku, mmwani ni mmwani a na womba ka mwanakwe a txi khene: Ngu tiya Mkoma a nga hi mahela ngu mbimo yi hi nga huma ditikoni ka Egipta.

Eksodha 12:26

Ngako vanana vanu va txi mi wotisa tito: Mi alakanya txani ngu ona maphaxelelo awa kani? Mi na xamula mi txi khanu:

Isaya 38:19

Ava va hanyako, va va hanyako, evo va na ku dhumisa, kufana ni ti ni mahako nyamsi; tate a na gondisa ditshuri dako ka vanana.