Masalmo 78:39 - Bhiblia Yo Sawuleka

³⁹ Txizimu txi alakanyile ti to vona nziwumbwa sa nyama dwe, va fana ni moya wu wu pindako wu si wuyi kambe!

Masalmo 78:39 Referans Kwoze

Jakobe 4:14

Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.

Jobe 7:7

Alakanya taku wutomi wangu wu fana ni moya; maso angu kha ma na mbi ngadi me wona wunene.

Genesisi 6:3

Sekoko, Mkoma a to khene: “Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.”

Jobe 7:16

Wutomi wangu na wu nyenya, nguko kha ni na mbi hanya kala kupinduka; khukha kwangu nguko, masiku angu mbukanganyisi.

Jobe 10:9

Ni kombela taku u alakanya tito, ngako ni ku dibumba, u ni rendeletile, ni ti to u na ni tshumeta ni ya lithuluni.

Johani 3:6

Asi si nga velekwa ngu mmidi i mmidi kambe asi si nga velekwa ngu Moya i moya.