Sekoko Mkoma a to rumela diphuho, na di txita ngu lineneni, adi di nga thela titshukwa kotshe wugoveloni, ka mnava wo dingana ditshiku dotshe, ka didhawa dimwani ni dimwani ti txi mbambamela txitimwi ka mafu mpimo wa mikono yimbidi kuguleka.
Ene wa wuyisa marefu a diphuho ngu magemeta-mitshi ka mafu; wa humisa singwalangwanda, wa wisa mati a nzuma wa tulela maphuho me huma ngu ku khotelwani ka ona.
Sekoko Mosi a to guleta ndonga yakwe txitimwi ka ditiko da Egipta. Mkoma a to wuyisa mu ditikoni ka Egipta diphuho da wutxani ka dotshe ditshiku dile ni ka wotshe wusiku wule. Mbimo yi di nga txa, diphuho da wutxani di manekile di txi wuyisa humbi.