Masalmo 78:22 - Bhiblia Yo Sawuleka

²² nguko kha va kholwa ka Txizimu kambe kha va themba kuvhunwa ngu txona.

Masalmo 78:22 Referans Kwoze

Vahebheru 11:6

Se hahanze ka likholo kha ti koteki ku txi tsakisa Txizimu, nguko, awule a tshuketelako hafuhi ka Txizimu, a fanete kukholwa ti to txona txi ho, ni ti to txa ninga txhatxhazelo ka vale va txi lavako.

Vahebheru 3:12

Wonani, vanathu, ti to ku si thuki ku txi va ni wammweyo hagari kwanu, wa mbilu yo biha, ni ya ku ambi kholwa, yi txi mi hambanisa ni Txizimu txi txi hanyako.

Dhewuteronome 1:32

Hambi keto kha mi mthembi Mkoma, Txizimu txanu,

Judha 1:5

Ni lava ku mi alakanyisa, hambiko totshe tiya mi ti zivako ta tinene ti to Mkoma, msana ka kutirula vathu vakwe ditikoni ka Egipta, a fuvisile va va nga ti si kholwi.

1 Johani 5:10

Awu a kholwako ka Mwanana wa Txizimu, wufakazi wu kwakwe. Awu asi kholwiko ka Txizimu txi maha Txizimu txa makuhu, nguko kha kholwi ka wufakazi wu txi nga mahela Mwanana wa txona.

Isaya 7:9

Hambi keto, m'zinda ka Efrayime, ngu Samariya, ni msungo wa Samariya, i mwana Remaliya; ngako mi si kholwi, lambi kha mi na mbi tsana.

Masalmo 106:24

Kha va khatala ngu ditiko dile do tshura, kambe kha va kholwa ka sithembiso sa Txizimu.

2 Vafumeli 17:14

Hambiko kha va mu engisa; va to ti nemelisa kuthumani kwawe, nga mathumelo a vatate vawe, va nga mbi kholwa ka Mkoma, Txizimu txawe.

Zefaniya 3:2

Kha di engisi dipswi, kha di tumeli kukawukwa, kha di thembi Mkoma, hambi kutshuketa ka Txizimu txa dona.