Masalmo 78:19 - Bhiblia Yo Sawuleka

¹⁹ Va to wukela Txizimu va txi kha vona: “Ina Txizimu txi nga sikota ku hi lulamisela sakudya kona txitingani muwa kani?

Masalmo 78:19 Referans Kwoze

Mitengo 21:5

Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Mitengo 11:4

Ka wungi wa valuveli va nga ti zumbile navo, va to tala ngu kunavela kudya nyama; ni vona vanana va ka Israyeli, va to engeta ve dila ngu kulava nyama kudya. Va txi kha vona: “I mani a no hi ninga nyama hi txi dya kani?

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

Eksodha 16:3

Vanana va ka Israyeli va va gete va txi kha vona: “I ti txhuko idiku Mkoma a ti hi date ngu dianza dakwe ditikoni ka Egipta, nguko hi ti khalahatshile hafuhi ka tikhadi ta nyama, mbimo yi hi nga ti ti dya sakudya hi khura! Aniko anu mi hi tisile txiwulani muwa, kasiku dibutho diya mi txi di daya ngu nzala.”

Mitengo 20:3

Vathu va to henyela Mosi, va txi kha vona: I ti txhuko kuva hi di fite ni vanathu, ava va nga fa masoni ka Mkoma!

Mitengo 11:13

Ni na yi mana hani nyama yo ninga vathu kani? Nguko va ni dilela, va txi kha vona: “Hi ninge nyama hidya!”

Jobe 34:37

Nguko wa engetela txionho txakwe ngu wuhambunyeti; hagari kwathu, wa peka manza, e tata kutiemela, e wukela Txizimu.

Mtuletelo 13:6

Txona txi to tula txisofu txi ruketela Txizimu, txi ruketela ditina da txona, ni ditenda da txona, ni va va zumbako nzumani.

Varoma 9:20

Se u mani awe m'thu, u kanetisanako ni Txizimu kani? Ina txiya txo wumbwa txi nga wotisa ka muwumbi wa txona ku “U to ni wumbisa tiya ngu kutxani kani?”

2 Makronika 32:19

Va to womba-womba ngu Txizimu txa Jerusalema, nga ti va wombawombisako tona ngu sizimu sa vathu va ditiko, so mahwa ngu manza a vathu.

2 Vafumeli 7:2

Sekoko mthangeli wa yimbi awule a nga ti sanzekile kwakwe diwoko mfumeli, a to xamula ka Elixa, m'thu wa Txizimu, a txi khene: Hambi i ti ku Mkoma o maha mafasitela nzumani, ti ndi na maheka toneto kani? Se Elixa a to khene: Sekoko u na ti wona ngu maso ako, hambi keto kukhukhela ka koneho khu na mbi dya.