Masalmo 78:18 - Bhiblia Yo Sawuleka

¹⁸ Va lavile kuduka Txizimu, ve kombela sakudya, so tsakisa kunavela kwawe.

Masalmo 78:18 Referans Kwoze

Dhewuteronome 6:16

Mi nga dukeni Mkoma, Txizimu txanu, nga kule mi nga m'duka kona Masa.

Mitengo 11:4

Ka wungi wa valuveli va nga ti zumbile navo, va to tala ngu kunavela kudya nyama; ni vona vanana va ka Israyeli, va to engeta ve dila ngu kulava nyama kudya. Va txi kha vona: “I mani a no hi ninga nyama hi txi dya kani?

1 Vakorinto 10:9

Hi nga dukeni Mkoma, nga vamwani va nga mu duka, se ngu toneto ve fa ngu kulumetelwa ngu minyoka.

1 Vakorinto 10:6

Totshe timhaka tiya njikombiso kwathu, kasiku hi si naveli simaha so biha, nga ti ni vona va nga navela.

Masalmo 95:9

mbimo yi vona va nga ni duka; va ni xote, aniko va woni mithumo yangu.

Eksodha 17:2

Sekoko vathu va to phikizana ni Mosi, va txi kha vona: “Hi ninge mati o sela.” Mosi a va xamute a txi khene: “Ngu kutxani mi txi phikizana ni nani kani? Ngu kutxani mi txi duka Mkoma kani?”

Eksodha 17:7

Se wukhalo wule a wu rayile ditina daku Masa ni Meribha, ngu mhaka ya ku phikiza kwawe vanana va ka Israyeli ni mhaka ya kuduka Mkoma, va txi kha vona: “Ina Mkoma waho mwendo kha nga ho hagari kwathu kani?”