Masalmo 78:16 - Bhiblia Yo Sawuleka

¹⁶ Txizimu txi humisile ngu mu ka dirigwi mati o khulunga awa ma nga txi khulunga ngu mtamo.

Masalmo 78:16 Referans Kwoze

Dhewuteronome 8:15

awule a nga kutsimbilisa ngu mu ka txiwula txa hombe txo thisa, txo tala ni minyoka ya wuxungu, ni tihume ni mu ka ditiko do mbi na mati, a ku humisete mati ngu ka dirigwi do banga;

Mitengo 20:8

Teka ndonga, u dhana msengeletano, awe ni mnanda wako Aroni, mi txi randela dirigwi diya, mi txi womba-womba ka vathu; dirigwi di na humisa mati a dona. Se awe u na va ninga mati a mu ka dirigwi; u txi ninga msengeletano wu sela, kumweko ni sifuyo sa wona.

Masalmo 105:41

Txi to tula dirigwi, ku txi huma mati, ma txi khulunga txiwulani nga mnambo.

Dhewuteronome 9:21

Kambe ni tekile txionho txanu, i ku dirole di mi nga ti di wumbile, ni txi di hisa ngu mndilo, kambe ni txi di rukuta, ni txi di kuya khakwati, kala kuza di txi maha mpupu; se mpupu wa kona ni wu xwayile ka txinambwana, txile txi nga ti relela ngu mmangoni.

Masalmo 107:35

wa hindula siwula si maha maziva a mati ni mafu a txigwangwa me maha milonga,

Masalmo 114:7

Awe mafu, dhudhumela masoni ka Mkoma, masoni ka Txizimu txa Jakobe,

Masalmo 114:8

txi nga hindula siwindi si maha maziva a mati ni marigwi me maha sisima sa mati.

Habhakuki 3:9

Wulaho wako wu ti tumbulisile wu va ha kubasani; si xambanyo sile si nga mahwa ka tihunzu si manekile i di dipswi do tsana. (Selahi) awe u bhandile mafu ngu minambo.