Masalmo 77:8 - Bhiblia Yo Sawuleka

⁸ A nga va ene a di lekile ku hi randa kani? A nga va a di lekile txithembiso txakwe ka liveleko ni liveleko kani?

Masalmo 77:8 Referans Kwoze

2 Pedro 3:9

Mkoma kha sweli kumaha sithembiso sakwe, nga ti vamwani va alakanyako ti to wa swela, kasi ene ana ni kutimisela ngu nganu. Kha ti lavi ti to ni wammweyo a txi lova, aniko a lava ti to votshe ve hunduluka.

Varoma 9:6

Hi nga ti to dipswi da Txizimu di to txhipa. Ahim-him. Nguko hi nga votshe va va humako ngu ka Israyeli i ku Vaisrayeli va ditshuri;

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Mitengo 14:34

Nga ha mi nga heta mune wa magumi a masiku ngu kuxola ditiko, konkuwa mi na heta kambe mune wa magumi a malembe; nguko dilembe dimwedo di dingana ditshiku, kasi mi tiziva tito, kuhambana kwangu ni nanu nga kutxani!

Jeremiya 15:18

Kupandiseka kwangu kusimamisa ngu kutxani kani? Ni txilonda txangu kha txi thumwi, txi lamba kuhola kani? Ina kwangu u na va txisima txo xengisa kani, mwendo mati awa ma phwako kani?

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

2 Samuwele 14:14

Nguko kha ditshuri hi na fa, hi fana ni mati a makhulungako ha mafuni, ale ma si sengeletananiko kambe. Txizimu koko kha txi thavisi wutomi wa m'thu, kambe kha txi leki kumaha makungo o wuyisa wule a nga tovelwa.

Masalmo 13:2

Ni na xaniseka ni kupandiseka moyani kwangu ni mbiluni kwangu otshe masiku, kala mbimo muni kani? Mlala wangu a na simama a di txitimwi kwangu kani?

Masalmo 74:1

Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?

Masalmo 85:6

Khu na mbiswa u txi hi hanyisa, kasiku vathu vako va txi tsaka ngu ngawe kani?