Masalmo 77:3 - Bhiblia Yo Sawuleka

³ Ngako ni txi alakanya Txizimu, na dila; ngako ni txi pimisela na guma mtamo.

Masalmo 77:3 Referans Kwoze

Masalmo 61:2

Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

Jobe 31:23

Nguko txitsayiso txa Txizimu i ti ti txidhusa kwangu, se ani ni si sikoti kutsana ka wuhombe wa txona.

Sidilo 3:39

Se m'thu wa kuhanya a vilela txani kani? Mmweyo ni mmweyo a na ti laye ngako a txi pekelwa sionho sakwe.

Jeremiya 17:17

U nga ti mahe txidhusa kwangu; awe u ku wuthavelo wangu, ka ditshiku da dikhombo.

Masalmo 43:5

Moya wangu, u thelwa dikhodho ngu txani, u txi thidhela kani? Themba Txizimu, ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:5

Moya wangu, u thelwa dikhodho ngu txani, u txi thidhela kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Jobe 7:11

Ngu maha ya eto, kha ni na mbi bundamisa txisofu txangu; ni na womba-womba kuxanisekani ka moya wangu; ni na ti bika kuxanisekani ka dihika dangu.

Jobe 6:4

Nguko na fulwa ngu tingove ta wule wa Mtamo-wotshe, se moya wangu wa setwa wuxungu wa tona wo hisa; ni kuhenya ka Txizimu ka ni xomela matxhari.

Sidilo 3:17

A rethete kule kudikha ka moya wangu, ni divala ni litsako.

Genesisi 37:35

Vanana vakwe votshe vamajaha ni vamahorana va to ya mkhongotela, aniko ene a to lamba kukhongotelwa, a txi khene: “Ahim-him ni na dila ni txi relela ka mwanana wangu, kufani.” Jakobe tate wawe, a to msaluka.

Jobe 15:11

Ina mwendo kuthavelela ka Txizimu ngudotho kani? Niku mwendo to kari ta timeleka kwako kani?

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Ndando ya Tindando 3:1

Ni wusiku ha m'bhedhuni kwangu, ni to lava wule muhefemulo wangu wu mrandako, ni mlavile, aniko kha na mmana.

Isaya 26:16

Mkoma va ku endete kuxanisekani kwawe; mbimo yile txitsayiso txako txi ngata txitimwi kwawe, va to tshakunuta mkombelo wawe wa txihunja.