Masalmo 77:13 - Bhiblia Yo Sawuleka

¹³ Awe Txizimu, sotshe si u nga si maha si sawulekile; kuwalo Txizimu txi i ku txa hombe kupinda Txizimu txathu.

Masalmo 77:13 Referans Kwoze

Masalmo 73:17

Mbimo yi ni nga wulela nyumbani ko sawuleka ka Txizimu, ngu kona ni nga tumbula magwito awe.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Isaya 40:25

Mi na ni fananisa ni mani koko, kasi ku ni txi fana nayo kani? Kuwomba Msawuleki.

Dhewuteronome 32:31

Nguko dirigwi dawe kha di fani ni Dirigwi dathu, ni valala vathu ndifakazi ta mhakeyo.

Masalmo 63:2

Ni lava ku kuwona u di txiluveloni kwako ni wonetela mtamo wako ni wudhumo wako,

Masalmo 27:4

Tximaha tximwetxo ni kombelako ka Mkoma, tximaha tximwetxo ni txi navelako; ni navela kuzumba Nyumbani ka Mkoma otshe masiku a kuhanya kwangu, ti to ni txi pfa lirando la Mkoma ni mkhozela Nyumbani kwakwe.

Isaya 46:5

I mani mi no ni fananisa nayo, niku mi na ni dinganisa ni mani, mi ni fanaisa kuva hi fana kani?

Isaya 40:18

Mi nga txi fananisa ni mani koko Txizimu, mwendo mi nga txi fananisa ni txani kani?

Masalmo 86:8

Kha si nga ho sizimu si si dinganako ni nawe, Mkoma; kuwalo wu a sikotako kumaha ati awe u mahako.

Masalmo 71:19

Kuthembeka kwako, Txizimu, nga hombe ngutu kufana ni nzuma; u mahile simaha sa hombe. I mani a fananako ni nawe kani?

Masalmo 68:25

Vaembeleli va thangela masoni ni vaveti va sivetaveta msana; hagari ka vona ku ni mahorana, ma vetako singomana.

Masalmo 105:2

Embelelani tindando ta kum'dhumisa; womba-wombani ngu mithumo yakwe ya kuxamalisa!

Masalmo 119:27

Ni ninge mapimo a kulondeta sileleto sako, se ani ni na alakanya mithumo yako ya kuxamalisa.