Masalmo 77:12 - Bhiblia Yo Sawuleka

¹² Ni na alakanya yotshe mithumo yi u nga yi maha ni womba-womba ngu sidiwukiso sako.

Masalmo 77:12 Referans Kwoze

Masalmo 145:11

Va na womba-womba ngu wudhumo wa mfumo wako kambe va na xawutela mtamo wako,

Masalmo 71:24

Dotshe ditshiku lidimi langu li na xawuta kululama kwako, nguko va xowokile ve tala ngu tingana vale va nga txi lava ti to ni welwa ngu dikhombo.

Dhewuteronome 6:7

Awe u na ma gondisa ka vanana vako, kambe u na womba-womba ngu ona, u di khalahatshile m'tini kwako, ni kungako u txi tsimbila amu mapfhumbani kwako, ngako u txi otela, ni kungako u txi wuka.

Masalmo 145:4

Liveleko li na xawutela mithumo yako ka limwani liveleko, se votshe va na huwelela mithumo yako ya mtamo.

Masalmo 143:5

Na alakanya masiku a kaleko na pimisela yotshe mithumo yako; na khumbula sotshe simaho sa manza ako.

Masalmo 105:2

Embelelani tindando ta kum'dhumisa; womba-wombani ngu mithumo yakwe ya kuxamalisa!

Masalmo 104:34

Ndando yangu yi na tsakise Mkoma, nguko ani ni tsakela ene.

Dhewuteronome 7:18

U nga ve ni dizowa ngu vona! Alakanya kwati ati Mkoma, Txizimu txako, a nga maha ka Faro ni ka dotshe ditiko da Egipta.

Dhewuteronome 7:19

Sikarato sa hombe, asi maso ako ma nga si wona, sikombiso ni sidiwukiso, asile dianza do tsana ni diwoko do nawulutwa, adile Mkoma, Txizimu txako, a nga kuhumisa ngu dona. Mkoma, Txizimu txako, a na mahisa toneto ngu vale vathu u va thavako!

Masalmo 105:5

Alakanyani mithumo yakwe ya kuxamalisa, sidiwukiso sakwe ni kulamula ka txisofu txakwe,

Masalmo 119:52

Mkoma, ni khumbute malamulelo ako a kale se ka ona, ni mani ku ti thavelela.

Isaya 63:11

Hambi keto, a to alakanya masiku a kale ngutu, a Mosi ni a vathu vakwe, va nga kha vona: Ahayi wule a nga va humisa lineneni, kumweko ni vadyisi va mtxhambi kani? Ahayi wule a nga thela Moya wakwe wo Sawuleka hagari kwawe,