Masalmo 76:6 - Bhiblia Yo Sawuleka

⁶ Ngako awe Txizimu txa Jakobe, u txi va dhusa, sikotxikani sawe ni mahantxhi awe sa ema.

Masalmo 76:6 Referans Kwoze

Eksodha 15:1

Sekoko ka yona yile mbimo, Mosi ni vanana va ka Israyeli va to embelela ndando yiya ve dhumisa Mkoma, va txi kha vona: Ni na embelela ni dhumisa Mkoma, nguko a gulekile ngutu; A tshotshile lineneni dihantxhi ni m'gadhi wa dona.

Eksodha 15:21

Miriyamu a ti ti va embelelisa, a txi khene: “Embelelani mi dhumisa Mkoma, nguko a ti ambekile wudhumo; kambe a tshotshile lineneni dihantxhi ni m'gadhi wa dona.”

Ezekhiyele 39:20

Ha mezani kwangu mi na khura, mahantxhi, sikotxikani, tindena, ni votshe vavamna va yimbi, kuwomba Mkoma Txizimu.

Masalmo 80:16

Avale va nga ganga mndonga wuwa, va txi wu hisa, va fuvise ngu kuhenya kwako.

Zakariya 12:4

Ka ditshiku donedo, kuwomba Mkoma, ni na dhukisa otshe mahantxhi, ni kuxangisa vagadhi va ona; se maso angu ma na wonetela txitimwi ka nyumba ya ka Judha, kambe ni na maha ti to otshe mahantxhi a matiko a kona meva mabhofu.

Nahume 3:18

Awe mfumeli wa Asiriya, vadyisi vako va na otela; va thaviseki vako va na otela, vathu vako va hangalakile mimangoni, ku si nga ni wo e va sengeleta.

Nahume 2:13

Wona taku ani ni na kuwukela, kuwomba Mkoma wa Mabutho a Tiyimbi: Ni na hisa sikotxikani sako si tuvikisa wutshi, se ditxhari di na xasela singonyamwana sako, kambe ni na honyola so xotwa sako ha mafuni, kha di na mbi ngadi di pfala dipswi da vakombisi vako.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Jeremiya 51:39

Aha va no vhutuka ni na va ninga wusuke wawe, ni na va levisa, va na ndaka-ndaka, aniko va na otela wukohe wa kwa mbi gwita, kha va na mbi wuka, kuwomba Mkoma.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Masalmo 104:7

aniko awe u ma kawukile, se ona me thava, se ma di engisile kudhinda ka dipswi dako, ma to kuluveta me phwa.

Masalmo 18:15

Ku to woneka hahatshi ka linene makhato a mafu ma txi vhunungulwa, mbimo yi di nga pfala dipswi dako do thisa, Mkoma, ni m'hefemulo wa tithonvu tako.

2 Samuwele 10:18

Kambe Vasiriya va to tutuma masoni ka va ka Israyeli, se Dhavhidha a to daya 700 wa tsimbitisi va sikotxikani ni 40.000 wa vavamna va vagadhi va mahantxhi; e daya ni Sobhaki, mthangeli wa dibutho da yimbi e fela koneho.

1 Samuwele 26:12

Dhavhidha koko, a to teka mseve ni ngoto ya mati misungoni ka Sawule, ve tsula; kha kwa maneka ni mmweyo wo ti wona, hambi wo tipfa, mwendo kuwuka; nguko votshe va ti mani wukohe, nguko Mkoma a ti va otelisile ngu wukohe wa hombe.

Eksodha 15:10

U futetile ngu moya wako, se linene li va mitile; va bhekile nga simbi, va txi ya hahatshi ka mati.

2 Vafumeli 19:35

Ku to maheka ti to ka wona wusiku wule, kuhuma ngelozi ya Mkoma yi peka 185.000 wa va Asiriya dizumboni kwawe; ni mixo mbimo yile va nga wuka vale va nga huluka, va to wona sirumbi.

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.