Masalmo 75:8 - Bhiblia Yo Sawuleka

⁸ Manzani ka Mkoma ku ni digombe do tala ngu vhinya yo bava ya kuhenya kwakwe, ayi ene a ningako vathu vo biha va ditiko, kasiku ve sela; se vona va sela kala kuheta tximinye txa kona.

Masalmo 75:8 Referans Kwoze

Jobe 21:20

Maso awe ma wona kufuviswa kwawe, se ene a sela kuhenya ka wule wa Mtamo-wotshe.

Jeremiya 25:15

Nguko Mkoma, Txizimu txa Israyeli, a ti khene kwangu: Teka dijingo diya da vhinya da kuhenya manzani kwangu, u seta otshe matiko ni no kurumela ka ona.

Masalmo 11:6

Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

Mtuletelo 16:19

Didhoropa da hombe di to abaneka ngu madhawa mararu, se madhoropa a mifumo ma to wa, konako Txizimu txi to khumbula Bhabhilona, Didhoropa da Hombe, kasiku txi di ninga digombe da vhinya ya txiviti txa kuhenya ka txona.

Jeremiya 25:17

Ni to teka didjingo manzani ka Mkoma, ni txi di ningela ka otshe matiko me sela, awa Mkoma a nga ti ti ni rumete ka ona.

Isaya 5:22

Dikhombo ka vale i ku tindena kuselani ka vhinya, ni vathu va va ku ni mtamo kupatelani ka wusuke wo bava ngutu.

Masalmo 60:3

U mahile ti to vathu ve wona sikarato so thisa ngutu; u hi setile vhinya yo levisa ngutu.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Mavingu 23:30

Ngu vale va zumbako kuselani ka vhinya, vale va tsimbilako ve lava wusuke wo patelwa.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.

Masalmo 73:10

Ngu toneto, valondeteli vawe va va dhunda ve engisela kwati mapswi awe.

1 Samuwele 2:7

Mkoma wa va nga wusiwana, kambe wa fumisa; wa veka hahatshi, kambe wa guleta.

Ezekhiyele 23:34

U na di sela koko, u heta, u na phatulela likasani ka dona, kambe u na txukulutela titshumbu tako; nguko ni zivisile, kuwomba Mkoma Txizimu.