Masalmo 75:7 - Bhiblia Yo Sawuleka

⁷ Nguko Txizimu ngu txona i ku mlamuli: Vamwani txa va abanisa, aniko vamwani txa va txhatxha.

Masalmo 75:7 Referans Kwoze

Luka 1:52

A va txhikisile hahatshi ka sikhalo sawe sa wukoma avale va mtamo, a txi guleta ava va kutiveka hahatshi.

Masalmo 147:6

Mkoma wa xayisa sisiwana, aniko wa wisa hahatshi avale va mahako kubiha.

Masalmo 50:6

Hambi tinzuma ti na huwelela ti to Mkoma a lulamile, nguko Txizimu ngu txona txi lamulako.

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

2 Samuwele 6:21

Aniko Dhavhidha a to khene ka Mikali: Ani ni ti ti sinya ni tsaka masoni ka Mkoma wule a nga ni sawula, makhaloni ka tate wako ni ka yotshe nyumba yako, a txi ni ruma kuva mthangela txitimwi ka vathu va Mkoma, ni txitimwi ka va ka Israyeli.

1 Samuwele 16:1

Sekoko Mkoma a to khene ka Samuwele: U na dilela Sawule kala yihi mbimo, akule ani ni nga mlamba, kasi ku asi fumi txitimwi ka Israyeli kani? Tata litxheho lako ngu mafura se wuta; ni ta kuruma ka Jese, wa Bhetlehema; nguko ni ti sawulete mfumeli hagari ka vanana vakwe.

Masalmo 58:11

Se vathu va na womba va txi kha vona: “Kha dikhuri mlulami ana ni hakhelo! Ngu ditshuri txi ho Txizimu txi txi lamulako ha mafuni!”

1 Samuwele 15:28

Sekoko Samuwele a to m'gela ku khene: Nyamsi Mkoma a vharute mfumo wa ka Israyeli manzani kwako, se wu ningela ka mwakelani wako, wa tshuko kupinda awe.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

Vagalatiya 1:15

Aniko mbimo yi Txizimu txi nga ni sawula, ni di ngadi mndani ka mama, txi ni dhana ngu kateko ya txona,

Dhaniyeli 2:37

Awe mfumeli, u mfumeli wa vafumeli, awu Txizimu txa nzumani txi nga mninga mfumo, ni wuhombe, ni mtamo, ni wudhumo.

2 Samuwele 5:2

Hambi ni kale, Sawule a txi fuma txitimwi kwathu, ngawe u nga ti ti huma ni kuwulela ni Israyeli; kambe Mkoma a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

Varoma 11:15

Nguko akuwa kutshuralelwa kwawe ngu Txizimu ku nga hinduka ku txi maha kuhuluka ka ditiko, ina kutshumela kwawe ve wuya kuhundulukani kha ti na mbi fana ni kuwuka ka vakufa kani?

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.