Masalmo 75:1 - Bhiblia Yo Sawuleka

¹ Ha kubonga, awe Txizimu, athu ha kubonga! Ha dhana ditina dako; hi txi pfalisa sidiwukiso sako.

Masalmo 75:1 Referans Kwoze

Masalmo 145:18

Mkoma a hafuhi ka votshe vale va m'dhanako; ka votshe vale va m'dhanako ngu ditshuri.

Masalmo 138:2

Ni na rendekela dithepeleni kwako ko sawuleka, kambe ni na bonga ditina dako, ngu mhaka ya lirando lako ni ditshuri dako; nguko u guletile dipswi dako txitimwi ka dotshe ditina dako.

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

Masalmo 76:1

Txizimu txa ziwa ditikoni ka Judha; ditina da txona nda wudhumo ditikoni ka Israyeli.

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.

Dhewuteronome 4:7

Nguko ngu wuhi mfumo wa hombe, awule sizimu sa kona si ku hafuhi kufana ni Mkoma, Txizimu txathu, ka sotshe sikhati sile hi mkhongelako kani?

Eksodha 23:21

Yi xoniphe masoni kwako, u txi engisa dipswi da yona, u nga yi eyise, nguko kha yi na mbi divalela sihoxo sanu, kambe yona yi na womba ngu ditina dangu.

Masalmo 44:1

Txizimu, athu hipune hi ti engisile va txi xawuta atile hi nga gelwa ngu vakale vathu sidiwukiso si u nga si maha ka masiku a kuhanya kwawe.

Masalmo 58:1

Anu vafumeli, ina ma lamula timhaka ngu nzila yo lulama kani? Ni kuthethisa vathu ngu nzila yo lulama kani?

Masalmo 50:1

Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.