Masalmo 74:9 - Bhiblia Yo Sawuleka

⁹ Se kha ku nga ho sidiwukiso hagari kwathu, kambe kha ku nga ho vaprofeti, ni wammweyo kha ti zivi ti to atiya ti na simama kala mbimo muni!

Masalmo 74:9 Referans Kwoze

Amosi 8:11

Wonani taku mata masiku, kuwomba Mkoma Txizimu, ni no rumela nzala ha mafuni, i si nga nzala ya sakudya mwendo ditora da mati, kambe do pfa dipswi da Mkoma.

Ezekhiyele 7:26

Dikhombo di na londetwa ngu dikhombo, se huwa yi na dhana yimwani huwa; sekoko va na lava txiwoniso ngu ka mprofeti, kambe mlayo wa mphaxeli wu na lova, ni silayelo sa madhota.

1 Samuwele 3:1

Se mfana Samuwele a ti ti thumela Mkoma masoni ka Eli. Se ka masiku oneyo dipswi da Mkoma di ti txiva ngutu; ni siwoniso si singaho.

Mika 3:6

Ngu toneto, ku na maha wusiku kwanu, kuva ku si maneki wuprofeti, kambe ku nava ni txidema kuva ku si maneki wuhuti, evo vaprofeti di na va swela ditambo, se kwawe ditshiku di na maha da mtima.

Sidilo 2:9

Matimba akwe ma fayetetwe; Mkoma a khundumusete ni kufunyeletela matimba a tisimbi; mfumeli wakwe ni vathangeli va kona va ka matiko o mbi na milayo, kuve vaprofeti kha va mani txiwoniso ni txatximwetxo ngu ka Mkoma.

Eksodha 12:13

Ti di ngeto, mnoha wu na va txikombiso txanu tinyumbani mu mi manekako ka tona: Ngako ani ni txi wona mnoha, ni na pinda ni txi ya masoni, ti to ku si maneki dikhombo hagari kwanu do lovisa, mbimo yi ani ni no peka ditiko da Egipta ngu lifo.

Vahebheru 2:4

ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

Ezekhiyele 20:12

Kambe ni va ningile Masabbata angu, kasi ku ma txi maha txikombiso hagari kwangu navo, va na tiziva taku ani ngani Mkoma, ni va sawulekisako.

Valamuli 6:17

Se Gidhiyoni a to m'gela a txi kha ene: Ngako ni di mani dithomo masoni kwako ni mahele txikombiso, kasiku ni txi tiziva ti to ngawe u wombawombako ni nani.

Mika 3:7

Se vamawona kule va na wa tingana, ni vahuteteli va na phazamiswa, ina, vona votshe va na vhala sisofu sawe, nguko kha ku na mbi va ni xamulo ya Txizimu.