Masalmo 74:4 - Bhiblia Yo Sawuleka

⁴ Valala vako va embelete tindando to giya nyumbani kwako ko sawuleka; va txi gwimba mijeke yawe konamo, yi maha txikombiso.

Masalmo 74:4 Referans Kwoze

Sidilo 2:7

Mkoma a lekile txiluvelo txakwe a tsukute ni wukhalo wakwe wo sawuleka, a ningete manzani ka valala maguma a tinyumba tawe ta wukoma; va pekile huwa Nyumbani ka Mkoma nga disthiku da msengeletano wa mpipi.

Matewu 24:15

“Ngu konaho, mbimo yi mi no wona manyala a kuthisa, ma nga songolela kuwombwa ngu mprofeti Dhaniyeli ma di talete wukhalo wo sawuleka, (awu a gondako a na ti pfisise!)

2 Makronika 36:17

Nguko a to va rumela mfumeli wa va Kaldheya, awule a nga daya majaha awe ngu ditxhari, nyumbani kwakwe ko sawuleka, kha pfela wusiwana, majaha, hambi mahorana, ni sikosana, votshe a to va ningela manzani kwakwe.

Mitengo 2:2

“Vanana va ka Israyeli va na zumba mmwani ni mmwani hafuhi ka m'jeke wakwe, hahatshi ka sikombiso sa tinyumba ta vatate vawe. Va na zumba ngu kurandela Dithepele da Msengeletano, ka mpfhuka wu wu no tsaniswa.

Mtuletelo 13:6

Txona txi to tula txisofu txi ruketela Txizimu, txi ruketela ditina da txona, ni ditenda da txona, ni va va zumbako nzumani.

Luka 21:20

Ngako mi txi wona Jerusalema a txi ranganyetwa ngu sikwata sa tiyimbi, zivani ti to kuvhandamuswa kwakwe ku hafuhi.

Luka 13:1

Ka txoneto txikhati va to humelela vathu va va nga mu xawutela mhaka ya va Galileya, avava Pilato a nga patanisela mnoha wawe kumweko ni mnoha wa timhamba ti va nga txi phaxa ngu tona.

Dhaniyeli 6:27

Txizimu txa hanyisa ni kuhulukisa, txa maha sikombiso ni si xamaliso nzumani ni ha mafuni; Ngu txona txi nga hulukisa Dhaniyeli ka mtamo wa tingonyamo.