Masalmo 74:3 - Bhiblia Yo Sawuleka

³ Ngono u ta wona marumbi o mbi na magwito; mlala a handile sotshe nyumbani kwako ko sawuleka!

Masalmo 74:3 Referans Kwoze

Dhaniyeli 9:17

Se konkuwa koko, awe Txizimu txathu, engisa mkombelo wa txithumi txako, ni kudila ka txona; khohe yako yi na woninge txitimwi ka wukhalo wako wo sawuleka wule wu nga hoxotwa, ngu kuranda ka Mkoma.

Sidilo 1:10

Mlala wakwe a mtekete tithomba takwe; nguko a woni matiko ma txi wulela ka wukhalo wakwe wo sawuleka, eyo awe Mkoma, u nga ti ma tsimbile kuwulela ka msengeletano wako.

Masalmo 79:1

Txizimu, vamatiko va wulete ditikoni kwako, va nyenyezisile dithepele dako do sawuleka, didhoropa da Jerusalema va di mahile marumbi.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Marku 11:17

Se a to va gondisa a txi khene kwawe: “Ina kha ka bhalwa tito: ‘Nyumba yangu yi na dhanwa ku i nyumba ya kukhongela ka otshe matiko kani?’ Kasi anu mi yi maha mkele wa makhokhokho.”

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Mika 1:3

Nguko, wonani taku Mkoma wa khukha ka wukhalo wakwe, e txhika, se a na tsimbila-tsimbila txitimwi ka mafu.

Dhaniyeli 11:31

Se ku na huma mitamo yokari yi txiya kwakwe, yi txiya nyenyezisa wukhalo wo sawuleka ni mikhokhola, kambe yi na fuvisa miphaxo ya ditshiku ni ditshiku, yi na veka tximaha txa kudhukisela ka hombe.

Dhaniyeli 9:27

Aniko ene a na tsanisa txitumelelano ni votala ngu divhiki dimwedo; se ka hafu ya divhiki a na emisa miphaxo ni miningelo ya sakudya; muhoxoti a nata ngu tibhapini ka vanyenyeki, kambe eto ngu ha ku sigwitiko; ni sile si nga emiswa si na theketwa txitimwi ka muxaseli.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Isaya 61:4

Se va na aketa makhalo ale ma nga xaselwa, kambe va na wuseta ni ale ma nga haxulwa kale, ni kuwusa madhoropa ale ma nga xaselwa, ma nga khundumuswa ka liveleko ni liveleko.

Isaya 25:10

Nguko dianza da Mkoma, di na humula ka mmango wuwa; aniko Mowabhi a na ganyatelwa hahatshi ka wona, kufana ni kuganyatelwa ka mwasi ditalani.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Masalmo 44:26

Khukha u txi ta hi vhuna; hi xangute ngu kurando ka wumbilu wako.

Masalmo 44:23

Vhumuka! Ngu kutxani u otelako kani Mkoma? Wuka! U nga hi leke kala kupinduka!

Nehemiya 2:13

Se ni to huma ni wusiku ngu Txike txa Mkovani, ngu didhawa da Txisima txa Dragoni ni ngu didhawa da Txike txa Ditalani, ni wonisisa maguma a Jerusalema, a ma nga ti ti khundumusilwe, ni matimba a kona ma nga ti ti hisilwe ngu mndilo.

Nehemiya 2:3

ni txi khani ka mfumeli: Hanya mfumeli kala kupinduka! Na lambela txani kukarateka mbiluni, na kuve didhoropa, wukhalo wa mathitha a vatate vangu, wu khundumusilwe, ni matimba a kona ma hisilwe ngu mndilo kani?

Nehemiya 1:3

Se va to kha vona kwangu: Avale va nga sala, va nga mbi tekwa ve yiswa wukhumbini, va nga aka ditikoni mule, va ha kuxanisekani ka hombe ni kueyiswani, kambe diguma da Jerusalema di khundumusetwe, ni matimba a dona ma hisilwe ngu mndilo.

Joxuwa 10:24

Ngako va di va humisile vafumeli vale, Joxuwa a to dhana votshe vavamna va ka Israyeli, aha a nga womba ka vathangeli va vathu va yimbi, avale a nga ti navo a txi khene: “Tshuketani mi txi ta veka mikondo yanu ha tithamoni ka vafumeli vava.” Se va to tshuketa ve veka mikondo yawe ha tithamoni ka vafumeli vale.

Mtuletelo 11:2

Se mtendela wa hahanze ka Dithepele, wu leke u nga wu pime, nguko wona wu ningetwe ka vamatiko, ava va no kandetela ngu mikondo didhoropa do sawuleka txipimo txa mune wa magumi a mitxima ni yimbidi.

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.