Masalmo 74:15 - Bhiblia Yo Sawuleka

¹⁵ U khulongisile sisima ni milonga u txi womisa minambo ya mati a mtamo.

Masalmo 74:15 Referans Kwoze

Mitengo 20:11

Sekoko Mosi a to gula diandza dakwe e peka dirigwi sikhati simbidi ngu ndonga yakwe, mati ma to pfhuruka, kuhuma mati o tala. Msengeletano wu to sela kumweko ni sifuyo sa wona.

Isaya 48:21

Se Jakobe asi nga ni ditora, mbimo yile a nga mtsimbitisa ngu txiwulani; a to mkhulongisela mati ngu mu ka dirigwi; e bhandisa marigwi, se mati me pfukula ngu konemo.

Masalmo 105:41

Txi to tula dirigwi, ku txi huma mati, ma txi khulunga txiwulani nga mnambo.

Joxuwa 2:10

Nguko hi ti nga pfa taku Mkoma a phwisile mati a Linene lo Bhilivila masoni kwanu, mbimo yile mi nga huma ngu Egipta, ni ti mi nga maha ka vafumeli vambidi va Vaamori, ka Seyoni ni ka Oge, avale va nga ti ti mtxhatuko ka Jordhani, evo mi nga va lovisa.

Mtuletelo 16:12

Ngelozi ya wutxhanu ni yimweyo yi to theketa digombe da yona txitimwi ka mnambo wa hombe wa Ewufrate, se mati a mnambo ma to phwa me tulela nzila vakoma va Wutxani.

Habhakuki 3:9

Wulaho wako wu ti tumbulisile wu va ha kubasani; si xambanyo sile si nga mahwa ka tihunzu si manekile i di dipswi do tsana. (Selahi) awe u bhandile mafu ngu minambo.

Isaya 44:27

ni ku khani ka kutshima: Phwana! Se ani ni na phywisa minambo yako;

Isaya 11:16

Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.

Masalmo 78:15

Txiwulani Txizimu txi bhandile marigwi txi va setile mati ngu mtalo wa ona.

2 Vafumeli 2:8

Sekoko Elija a to peta dijasi dakwe, e peka mati, me abaneka ngu madhawa mambidi, va to txhatuka ngu wumbidi wawe, ku ti omile.

2 Vafumeli 2:14

A to teka dijasi dile di nga ti wite ngu ka Elija, a to peka mati a txi khene: Ahani Mkoma, Txizimu txa Elija kani? Sekoko a to peka mati me abaneka meya khe ni khe; se Elixa a to pinda.

Masalmo 114:3

Mbimo yi linene li nga oma, li to thava se mnambo wa Jordhani wu tshumelela msana.