Masalmo 74:13 - Bhiblia Yo Sawuleka

¹³ Awe, Txizimu, u abanisile linene ngu mtamo wako; u ganyatete misungo ya vamwamilambo va linene.

Masalmo 74:13 Referans Kwoze

Eksodha 14:21

Sekoko Mosi a to nawuluta dianza dakwe txitimwi ka linene, se Mkoma a to abanisa mati ka wotshe wusiku wule, ngu moya wa mtamo, wa kuta ngu wutxani; se linene li txi maneka li di omile.

Masalmo 78:13

Txi tute linene, kasiku vona ve txhatuka, txi emisile mati, ma txi nga diseta.

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Ezekhiyele 32:2

Awe mwanana wa m'thu, wusa txidilo txitimwi ka Faro, mfumeli wa Egipta, u txi khawe: U ti ti fana ni txingonyamwana ka matiko, kambe awe u ti ti nga ngwenya tineneni, u txi bhanda minambo yako, ni ku vhilusa mati ngu mikondo yako, se u txi nzihatisa minambo yako.

Masalmo 66:6

Txi hindute linene li maha mafu a kuoma; vakale vathu va tshawunyetile mnambo ngu mikondo. Ngu toneto, a hi tsakeni!

Nehemiya 9:11

Aniko u to va abanisela linene masoni kwawe, se ve pinda ngu hagari ka linene, li di omile; u rinza valala vako mazivani, va txi nga marigwi amu ka mati o tutuma.

Eksodha 14:28

Mbimo yi mati ma nga tshumela me teka txikale txa ona, ma to mita sikotxikani, vagadhi va mahantxhi, ni mahantxhi a kona, ni dotshe dibutho da yimbi ya Faro, yi yi nga ti va londetile mu lineneni yi txi va hinga, kambe kha ka huluka ni wammweyo.