Masalmo 74:12 - Bhiblia Yo Sawuleka

¹² Txizimu, kukhukhela ka mbimo ya kale u Mkoma wangu; u xute valala sikhati so tala ka diya ditiko.

Masalmo 74:12 Referans Kwoze

Masalmo 44:4

Txizimu, awe ngawe mfumeli wangu! Ninga kuxula ka vathu vako!

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Isaya 63:8

Nguko Mkoma a ti ti khene: Kha ditshuri, vona i vathu vangu, vanana va va na kwa mbi womba makuhu. Ngu toneto, ene a to va Muhanyisi wawe.

1 Samuwele 19:5

Nguko a ningetile wutomi wakwe e daya Vafilista, ni Mkoma a txhatxhisile votshe va ka Israyeli; awe upune wu ti woni u tsaka; ngu kutxani koko, u lava kuonha ngu kuwukela mnoha wa kwa mbi na mnandu, ngu kudaya Dhavhidha asi na txigelo kani?

Masalmo 5:3

Ni mixo, Mkoma, engisa dipswi dangu, neti di txi txa ditambo ni veka masoni kwako txikombelo txangu ni txi rinzela xamulo yako.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Habhakuki 1:12

Ina hi nga awe yotshe mbimo Mkoma, Txizimu txangu, ni Msawuleki wangu kani? Athu kha hi na mbi fa. Awe Mkoma, u m'vekete kumaha mlamuli, kambe awe Dirigwi, u mmahile makhato a txi tsayiso.

Mithumo 7:7

Aniko ditiko di di nga va maha tikhumbi ni na di abanisa, kha Txizimu; se msana keto, va na huma va ta ni khozela ka wukhalo wuwa.’