Masalmo 74:1 - Bhiblia Yo Sawuleka

¹ Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?

Masalmo 74:1 Referans Kwoze

Dhewuteronome 29:20

Mkoma kha na mbi m'divalela, nguko kuhenya kwakwe ni txiviti txakwe, si na tura txitimwi ka eneyo m'thu, a txi welwa ngu otshe makhombo, aawa ma nga bhalwa ka diya dibhuku, se Mkoma a na pfhita ditina dakwe hahatshi ka nzuma.

Masalmo 100:3

Ti ziveni ti to Mkoma ngene Txizimu txathu; ngene a nga hi va nga, athu hi lumba ene; athu hi vathu vakwe ni mtxhambi wakwe!

Masalmo 79:13

Athu hi ku vathu vako, hi ku tinvuta ta mtxhambi wako, hi na kudhumisa ngu ha ku si gwitiko, hi na embelela wudhumo wako ka liveleko ni liveleko!

Masalmo 95:7

Ene i Txizimu txathu, se athu hi ngamu yakwe; hi tinvuta ta mtxhambi wu ene a wu dyisako. Nyamsi engisani dipswi da Txizimu:

Masalmo 44:9

Kambe konkuwa, u hi lekile, u hi thete tingana; se khuswi u txi pangalata mabutho athu a tiyimbi.

Luka 12:32

Mi nga thaveni txilo, anu mi ku mtxhambi wa wudothoanyana, nguko ti tsakisile Tate wanu ku mi ninga Mfumo!”

Ezekhiyele 34:31

Anu koko, anu tinvuta tangu, tinvuta ta wudyiselo wangu; mi vathu, aniko ani ngani Txizimu txanu, kuwomba Mkoma Txizimu.

Jeremiya 31:37

Mkoma a ti khene: Ku txi koteka kupimwa kudemba ka tinzuma, ni kutumbulwa kutshima ka sitshuwa sa mafu, nani ni na lamba yotshe mbewu ya ka Israyeli, ngu totshe ti va nga ti maha, kuwomba Mkoma.

Jeremiya 23:1

Dikhombo ka vadyisi va va onhako, ni kuhangalasa tinvuta ta wudyiselo wangu, kuwomba Mkoma.

Masalmo 79:5

Mkoma, u na hi henyela kala mbimo muni kani? Txiluse txako txi na fana ni mndilo wo tura kani?

Masalmo 77:7

“Mkoma a nga va a txi hi tsukula do gwita kani? Kha na mbiswa e hi themba kambe kani?

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Ezekhiyele 34:8

Na hanya ani, kuwomba Mkoma Txizimu, kuwoneka taku tinvuta tangu ti ningetwe kuñolwani, se ti mahile to dyiwa ngu sotshe sihari sa txitinga, ngu kupwateka ka vadyisi, kambe vadyisi vangu kha va tsimbili ve lava tinvuta tangu, aniko vo ti dyisa vona vapune, kha va dyisi tinvuta tangu,

Masalmo 78:1

Vathu vangu, engisani gondo yangu; engiselani ati ni mi gelako!

Masalmo 60:10

Ina hi nga awe, Txizimu, u nga ti hi lekile, kani? U to hi rethetela kule, u si swi u pangalata mabutho athu a tiyimbi, kani?

Masalmo 60:1

Txizimu, u hi tshuralete, u hi lekile hi hangalaka; hambiko u nga henya, tshumela u hi wusa.

Masalmo 42:9

Ni lava kuwombawomba ni nawe, Txizimu, ni txi khani: M'vhikeli wangu ngu ngawe, ngu kutxani u txi ni divala kani? U txi ni leka ni xupheka, na mlala wangu a txi ni xanisa?

Masalmo 18:8

Wu humile wutshi ngu tithonvuni ka txona ku txi huma mndilo wa luhya ngu txisofuni ka txona; kuhuma kambe ni makala a mndilo wo tura.

Masalmo 10:1

Mkoma, nji txani u txi emela kule kani? Nji txani u txi sisala ka sikhati so xanisa kani?

Eksodha 32:11

Mosi a to khongela ka Mkoma, Txizimu txakwe, a txi khene: “Mkoma, ngu kutxani kuhenya kwako ku txi tura u txi wukela vathu vako, avale u nga va humisa ditikoni ka Egipta, ngu mtamo wa hombe ni dianza do tsana kani?

2 Vafumeli 21:14

Se ni na leka miboti yile i kuthomba yangu, ni na va ningela manzani ka valala vawe; va na pelwa ni kuhonyolelwa sawe ngu valala vawe.

Masalmo 50:1

Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.

Masalmo 77:8

A nga va ene a di lekile ku hi randa kani? A nga va a di lekile txithembiso txakwe ka liveleko ni liveleko kani?

Masalmo 80:5

U hi dyisile dipawu da mirongo, u txi hi seta digombe da kutala ngu mirongo.

Masalmo 85:6

Khu na mbiswa u txi hi hanyisa, kasiku vathu vako va txi tsaka ngu ngawe kani?

Isaya 64:8

Kambe konkuwa, awe Mkoma, awe ngawe tate wathu; athu hi dibumba, se awe u muwumbi wathu; kambe athu hotshethu hi mthumo wa manza ako.

Sidilo 5:22

Ina u nga hi lekela magwito kani? U nga hi pandisekelisa tiya ngutu ngu kutxani kani?