Masalmo 73:19 - Bhiblia Yo Sawuleka

¹⁹ Ngu txidhukisa va na fuviswa! Votshe va na guma ngu kuthava!

Masalmo 73:19 Referans Kwoze

Dhaniyeli 5:6

Sekoko khohe ya mfumeli yi to kwalala ngu kuthava, ni mapimo akwe ma to vhinganyeka; tinyonga takwe ti txi hololo, ni mazolo akwe me gumulana.

Isaya 47:11

Ngu kumaha keto, txitimwi kwako, ku nata dikhombo, di u no mbi ziva mu di tako ngu kona, se kuhaxulwa ko ngeko, ku nata txitimwi kwako, kambe khu na mbi sikota ku kuretha; nguko ku nata tximwi kwako ngu txidhukisa, kuxasela ka txihuhuri, kaku khu na mbi sikota ku kuziva.

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Jobe 20:5

litsako la vaonhi kha li sweli, ni kutsaka ka vakanganyisi nga mbimonyana kani?

Jobe 15:21

Diguwa da tihuwa di tinzeveni kwakwe; hambi mu ko thutha, wata kwakwe mxaseli.

Mtuletelo 18:10

Va di emile ngu kule, ngu kuthava sixaniso sakwe, va na womba va txi kha vona: “Ayiwee, ayiwee, didhoropawe da hombe, Bhabhilona, didhoropa da mtamo, nguko kunukunuko u hoketwe ngu txitsayiso txako.”

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Mithumo 2:23

Ngene wu a nga ningelwa mtamoni kwanu ngu txikungo txa kutsana ni wuzivi wa Txizimu. Se anu mi mu date ngu ku mu gogotela ha txihambanoni ngu manza a vathu va i ku sindaka-milayo.

Isaya 30:13

Ngu mhaka yeto, wubihi wuwa kwanu, wu na nga diseta di di ku ni lifa, do humisa mrumbu kukhukhela txitimwi ngutu, adiya kuwa ka dona, ku nota ngu txidhukisa.

Masalmo 58:9

Tikhadi tawe ti sanzi kuhala ngu kupfa mndilo wa tikhuni to nakana mwendo to oma, ti na hangalaswe ngu txihuhuri ti tshotshwa kule.

Jobe 18:11

Kuthava ku na m'dhukisa ka otshe madhawa, ku mmaha e tutuma eya khe ni khe, ni hani ha a no tutumela kona.

1 Samuwele 28:20

Kunukunuko Sawule a to wa e wombuluka hahatshi, e thava ngutu ngu mhaka ya mapswi ale a Samuwele, aha koza e guma ni mtamo, nguko a sanzi kudya sakudya ka dotshe ditshiku dile ni ka wotshe wusiku wa kona.

Mitengo 16:21

Tshuketani kule ka msengeletano wuwa, ni na va lovisa ngu mbimwanyana.

1 Samuwele 25:38

Se ku to maheka taku, ku di pindile hafuhi ka digumi da masiku, Mkoma a to peka Nabhali efa.

Ekleziyaste 9:12

Ni ti to m'thu kha yi zivi mbimo yakwe; kufana ni sihaka si dawako ngu likoka, ni kufana ni sinyana si bzwetwako ngu mlawu, ngu toneto va bzwetiswako tona vanana va vathu, ka mbimo yo biha, va txi welwa ngu dikhombo ngu txidhukisa.