Masalmo 73:16 - Bhiblia Yo Sawuleka

¹⁶ Mbimo yi ni nga kulava ku ti pimisa tiya, ti manekile ti txi ni karatela.

Masalmo 73:16 Referans Kwoze

Ekleziyaste 8:17

sekoko ni to wona wotshe mthumo wa Txizimu, ti to m'thu kha sikoti kuziva mthumo wu wu mahwako hahatshi ka ditambo; hambi m'thu a txo thumela ku wu mana, kha na mbi wu mana; hambi ku ngako txhari yi txo kha yona yi nga wu ziva, hambi keto, kha yi na ku wu manela.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Masalmo 97:2

Mkoma a randetwe ngu marefu ni txidema; ditshina da mfumo wakwe ngu kululama ni fanelo.

Masalmo 77:19

U tute nzila yako hagari ka linene; u tsimbila ngu hagari ka mati o khulunga, aniko ni wammweyo kha nga wona mkondo wako.

Masalmo 39:6

Ene wa pinda kufana ni mtsudi! Kha ti vhuni txilo kusengeletela tithomba, na asi ti zivi ti to ti na sala ni mani.

Masalmo 36:6

Kululama kwako nga hombe kufana ni mimango; mithetho yako yi etile kufana ni linene. Awe, Mkoma, wa xayisa vathu ni sihari.

Ekleziyaste 1:17

Se ni to ningetetela mbilu yangu kuziva wutxhari, ni kuziva lihuhe ni wuphukuphuku, se ni wona taku, eto ni tona ngu xanisa moya.