Masalmo 73:14 - Bhiblia Yo Sawuleka

¹⁴ Ditshiku ni ditshiku ni wo xaniseka; mixo ni mixo ni wo tsayiswa.

Masalmo 73:14 Referans Kwoze

Vahebheru 12:5

Kasi mi divate mapswi awa mi khongotelwako ngu ona, nga kule ka vanana, aawa ma ku: “Mwanangu, u nga kanyise kulaywa ngu Mkoma: U nga khuveke, ngako a txi kukawuka.

Masalmo 94:12

A katekile m'thu wule u mkawukako awe Mkoma, ni wule u um'gondisako mlayo wako,

1 Pedro 1:6

Atiya ti fanela ku mi tsakisa, hambiko kutilava mi no dhuka mi manwa ngu siduko ka masikunyana okari,

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Jeremiya 15:18

Kupandiseka kwangu kusimamisa ngu kutxani kani? Ni txilonda txangu kha txi thumwi, txi lamba kuhola kani? Ina kwangu u na va txisima txo xengisa kani, mwendo mati awa ma phwako kani?

Masalmo 34:19

Vathu vo lulama va dukwa ngu sixaniso so tala, aniko Mkoma wa va hulukisa ka sotshe.

Jobe 10:17

Awe wa lotela tifakazi tako ku ti txi ni wukela, kambe wa engetela txiviti txako kwangu; wa wuyeletela ku ni xanisa.

Jobe 10:3

Ta kudingana kha kwati ku ni xanisa, u lamba mthumo wa manza ako u woningeta txitimwi ka dibanza da vo biha kani?

Jobe 7:18

U txi muendela mixo ni mixo, ni ku m'duka mbimo ni mbimo kani?