Masalmo 73:1 - Bhiblia Yo Sawuleka

¹ Kha ditshuri Txizimu njinene ka vathu va ka Israyeli, ka va vo basa timbilu!

Masalmo 73:1 Referans Kwoze

Matewu 5:8

Va katekile ava va nga basa timbilu; nguko va na wona Txizimu!

Masalmo 51:10

Awe Txizimu, ni he mbilu ya yinene; wuseta m'hefemulo wangu, u txi wu tsanisa.

Luka 12:32

Mi nga thaveni txilo, anu mi ku mtxhambi wa wudothoanyana, nguko ti tsakisile Tate wanu ku mi ninga Mfumo!”

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Titosi 3:5

i si nga ngu mhaka ya mithumo yathu ya yinene hi nga yi maha, aniko ngu mhaka ya wumbilu wa txona hi sambisilwe hi phindulwa hi txi maha vavaphya ngu mtamo wa Moya wo Sawuleka,

Varoma 4:16

Ngu konaho, thomba yi manwa ngu kukholwa; ti to txi va i di txiningo txa makatekwa, kasiku txithembiso txi tsaniswa ka liveleko lotshelele, i si nga ka liveleko la mlayo dwe, aniko ni ka liveleko la kukholwa ka Abrahamu, i ku tate wa hotshethu;

Masalmo 50:1

Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Masalmo 83:1

Txizimu, u nga malale! U nga khutarele mawoko u txi wonetela, awe Txizimu!

Masalmo 73:18

Ngu ditshuri u va vekile ka wukhalo wo rithimuka, u va tshotshile kuva ve khundumuswa

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 24:4

Wule a nga basa manzani, ni mbilu yo sawuleka asi ningeteteliko moya wakwe ka wukanganyisi, kambe asi xambanyiko ngu kukanganyisa.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

1 Makronika 16:37

Sekoko Dhavhidha a to siya Asafe ni vanawe koneho, masoni ka dibhokiso da txitumelelano txa Mkoma, kasi kuve khozela masoni ka dibhokiso otshe masiku, madingano ni txileleto txa ditshiku ni ditshiku.

1 Makronika 16:7

Sekoko ka ditshiku donedo, Dhavhidha a to khata kuleletela Asafe ni vanawe kudhumisa Mkoma, a txi khene:

1 Makronika 15:17

Valevhi koko, va to sawula Hemani, mwana Joweli; se ka vanawe va to sawula Asafe, mwana Bherekiya; ka vanana va Merari vanawe, i Etani, mwana Kusaya.

1 Makronika 6:39

Se Asafe mwanawe a ti ti ngu didhawa da txinene; Asafe i ti mwana Bherekiya, mwana Simeya,