Masalmo 72:7 - Bhiblia Yo Sawuleka

⁷ Kudikha ni kululama si na tale kufumani kwakwe si na simame si diho, mtxima wu txi ngadi wu woninga!

Masalmo 72:7 Referans Kwoze

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Masalmo 92:12

Mlulami a na kula kufana ni mkhokho ene a na lapha kufana ni mndonga wa mkedhari wa Libhanoni.

Luka 2:14

“Txi na dhumiswe Txizimu txitimwi nzumani ni kudikha ku na tale ha mafuni, ka vale txona txi va dhundako.”

Isaya 60:22

Vathu vavadotho va na va 1.000; ni vavadotho ngutu, va na va vathu vavangi ngutu. Ani Mkoma, ngu mbimo ya kona, ni na ti maha eto.

Mithumo 4:32

Msengeletano wa makholwa wu ti ni mbilu yimweyo ni moya wumwewo. Ku ti si nga ho ni wammweyo wa kupimisa ti to si lumba ene ekha, asi a nga ti naso; aniko hagari kwawe, sotshe i ti sa votshelele.

Luka 1:33

A na fuma yotshe mbimo ka nyumba ya Jakobe, se mfumo wakwe kha wu na mbi va ni magwito.”

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Isaya 60:1

Wuka, woninga, nguko liwoningo lako lata, ni wudhumo wa Mkoma wa humelela txitimwi kwako.

1 Vafumeli 4:25

Se Judha ni Israyeli va ti zumba va di tsani, mmweyo ni mmweyo hahatshi ka mvhina wakwe ni mkuwu wakwe, kukhukhela Dhani kala Bhersebha, ka otshe masiku a Solomoni.

1 Vafumeli 5:4

Ngu konaho koko, Mkoma, Txizimu txangu, a ni ningile kuhumula ngu ka otshe madhawa; kha ku nga ni mlala, kambe kha ni mani txikarato ni txa tximwetxo.

Zakariya 9:10

Se ni na hoxota sikotxikani sa Efrayime, ni mahantxhi a Jerusalema, ni kufunyeletela wulaho wa yimbi; se ene a na pfalisa kudikha matikoni; se kufuma kwakwe ku na nava, kukhukhela ka linene limwelo, kala ka limwani linene, ni kukhukhela ka mnambo kala magwito ka mafu.