Masalmo 71:22 - Bhiblia Yo Sawuleka

²² Ngu toneto, ni lava ku kudhumisa ngu kuveta haripa, ni txi dhumisa wuhombe wako, Txizimu txangu; ni lava ku ku embeleta ngu kuveta txitende, Txizimu txa Israyeli.

Masalmo 71:22 Referans Kwoze

2 Vafumeli 19:22

U phikizanile ni mani niku u ruketete mani kani? U kwangulete mani ni kuguleta maso txiluveloni kani? U mahete ani Msawuleki wa Israyeli kani?

Masalmo 33:2

Dhumisani Mkoma ngu kuveta txitende; embelelani masoni kwakwe ngu kuveta txitende txa titxhapu ta digumi.

Masalmo 89:18

Nguko Mkoma m'vhikeli wathu. Kambe Msawuleki wa ka Israyeli, i ku ene Mfumeli wathu!

Isaya 60:9

Ngu ditshuri, sitondolo si na ni verela, se kukhata, nzitimela sa Tarxixi, si no neha vanana vako, vale vatako ngu kule, va nata ni nzalama yawe ni silivhela yawe, kusawulekisani ka ditina da Mkoma, Txizimu txako, ni Msawuleki wa Israyeli, nguko a ku dhumisile.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Masalmo 144:9

Kwako awe Txizimu, ni embelela ndando ya yiphya; ngu haripa ni txiya txa digumi da tingoti, kwako ni na embelela ni kudhumisa.

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Masalmo 138:2

Ni na rendekela dithepeleni kwako ko sawuleka, kambe ni na bonga ditina dako, ngu mhaka ya lirando lako ni ditshuri dako; nguko u guletile dipswi dako txitimwi ka dotshe ditina dako.

Masalmo 89:1

Awe Mkoma, ni na embelela lirando lako, kala kupinduka; ni na huwelela kuthembeka kwako ka liveleko ni liveleko.

Masalmo 78:41

Va to tshumelela msana, ve duka Txizimu; sambe va kanakanile ngu wo Sawuleka wa ka Israyeli!

Masalmo 56:4

Ni themba Txizimu, se ni dhumisa mapswi a txona; ni themba Txizimu, se kha ni na mbi thava txilo. M'thu a nga ni mahela kubiha ka txani kani?

Masalmo 25:10

Totshe tinzila ta Mkoma ndo kateka ni ditshuri, ka vale va vekisako txitumelelano txakwe ni sirumo sakwe.

Varoma 15:8

Na womba ti to Kristu a ti mahile mthumeli wa sithiva sa Vajudha, kasi kukombisa ditshuri da Txizimu ni kutsanisa sithembiso si si nga mahwa ka vatate vathu;

Masalmo 43:4

Konako ni na wulela txiluveloni kwako, awe Txizimu, awe u ku litsako langu; koneyo ni na kudhumisa ngu kuveta ka haripa, nguko awe ngawe Txizimu txangu.

Masalmo 98:4

Huwelelani Mkoma ngu litsako, motshenu vathu va ha mafuni. Pekani mikulungwani ya litsako, nengelani mi txi embelela tindando.

Masalmo 98:5

Embelelani tindando ka Mkoma mi txi veta mbila, mi txi veta mbila ni txitende,