Masalmo 71:21 - Bhiblia Yo Sawuleka

²¹ U na engetela wuhombe wangu, u txi ni tangalisa kambe.

Masalmo 71:21 Referans Kwoze

2 Samuwele 3:1

Se ku to maneka kulwa ka hombe hagari ka nyumba ya ka Sawule ni ya ka Dhavhidha; kambe Dhavhidha a to simama e va ni mtamo, aniko nyumba ya ka Sawule yi to guma mtamo.

Masalmo 86:17

Ni mahele txikombiso txa wunene wako, kasiku valala vangu ve txi wona, ve thelwa tingana, ngako va txi wona ti to awe, Mkoma, wa ni vhuna ni ku ni tsanisa!

Masalmo 23:4

Hambi ni txo tsimbila mkovani ka mtsudi wa lifo, nga ni si thavi txilo, nguko awe, Mkoma, u ni nani. Nguko ndonga yako ni mtxheketelo wako, sa ni tsanisa.

2 Vakorinto 2:14

Txi na bongwe Txizimu, atxi, ngu Kristu, txi hi guletako yotshe mbimo, kudhumiswani ka txona; atxi kambe ngu ngathu txi lavako kuhangalasa ka otshe makhalo kubhumula ka wuzivi wa txona.

Isaya 49:6

A to khene kambe: Ndidotho taku uva txithumi txangu dwe, kasi kuwusa tihunzu ta ka Jakobe, ni kuwuyisa misalelwa ya ka Israyeli; kambe ni ku vekile ku uva liwoningo ka vamatiko, kuva m'hulukisi wangu kala magwito ka mafu.

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Masalmo 32:10

Timhaka tatingi ta xanisa vathu vo biha, aniko lirando la Mkoma, li ranganyeta avale va mthembako.

Masalmo 18:35

Mkoma, awe wa ni ninga txitxhavangu txako txa ku ni vhikela, wa ni setela ngu dianza dako da txinene ni wunene wako wu ni ningile kuzumbiseka.

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Masalmo 72:11

Vafumeli votshe va na ti namisa masoni kwakwe; yotshe mifumo yi na mthumela!

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

1 Vatesalonika 3:9

Ngu bonga muni hi no kukomba ka Txizimu ngu lotshe litsako li hi li pfako ngu nganu masoni ka Txizimu txathu kani?

2 Vakorinto 7:13

Atiya ngu tona ti ti nga ni thavelela. Hahanze ka kuthavelela kuwa ka mmweyo ni mmweyo wathu, hi tsakile ngutu kambe ngu kuwona litsako la Titosi, awu moya wakwe wu nga humutwa ngu nganu motshe.

2 Vakorinto 7:6

Aniko Txizimu txi txi thavelelako va va ti vekako hahatshi ka txona, txi hi thavelete ngu kubwaka ka Titosi,