Masalmo 71:19 - Bhiblia Yo Sawuleka

¹⁹ Kuthembeka kwako, Txizimu, nga hombe ngutu kufana ni nzuma; u mahile simaha sa hombe. I mani a fananako ni nawe kani?

Masalmo 71:19 Referans Kwoze

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”

Masalmo 57:10

Lirando lako nda hombe, li hoka ni tinzumani ni kuthembeka kwako kumanela marefu.

Isaya 55:9

Nguko nga kule nzuma yi ku txitimwi ngutu kupinda mafu, ngu tona eto, ni tinzila tangu ti txitimwi ngutu kupinda tinzila tanu, ni mialakanyo yangu yi txitimwi ngutu kupinda mialakanyo yanu.

Luka 1:49

Nguko Nyamitamo a mahile kwangu timhaka ta hombe; ditina dakwe di sawulekile.

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Isaya 40:25

Mi na ni fananisa ni mani koko, kasi ku ni txi fana nayo kani? Kuwomba Msawuleki.

Isaya 40:18

Mi nga txi fananisa ni mani koko Txizimu, mwendo mi nga txi fananisa ni txani kani?

Masalmo 86:8

Kha si nga ho sizimu si si dinganako ni nawe, Mkoma; kuwalo wu a sikotako kumaha ati awe u mahako.

Masalmo 72:18

Txi na dhumiswe Txizimu, Mkoma i ku Txizimu txa ka Israyeli, txona txokha txi mahako sidiwukiso.

Jobe 5:9

Txona txi maha mithumo ya hombe ngutu, kha yi koteki ni ku yi bala; ni sixamaliso sasingi sa kwa mbi balwa.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Mavingu 15:24

Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.

Masalmo 139:6

Wuzivi wo nga eto, kwangu wa xamalisa ngutu; wuzivi wo guleka ngutu, kha ni sikoti kuyipfisisa ngu mapimo angu.

Mavingu 24:7

Wutxhari wu txitimwi ngutu, kha wu manelwi ngu txiphukuphuku; txi tandeka ni kutula txisofu banzani.

Dhewuteronome 3:24

“Mkoma Txizimu, se u khatile kukombisa ka txithumi txako, wuhombe wako ni dianza dako da mtamo; nguko njizimu muni txi kuho nzumani ni mafuni, txi nga sikotako kumaha mithumo yo nga yako, ngu mtamo wo fana ni wako kani?

Masalmo 36:7

La xamalisa ngutu lirando lako, awe Txizimu! Hahatshi ka mabhapi ako, athu hi tipfa hi di kusisalani.